}

نرخی نەخۆشخانە تایبەتەکان کەمناکرێتەوە

کوردستان 04:22 PM - 2021-11-04

ئەندامێکی پەرلەمانی کوردستان رەخنە لەوەزارەتی تەدروستی هەرێم  دەگرێت، لەوەی بڕیارەکانی ئەو وەزارەتە سەبارت بە کەمکردنەوەی نرخی نەخۆشخانەتایبەتەکان لەسەر هاوڵاتیان جێبەجێ ناکرێت، هاوکات وەرگرتنی پارە لەکەس و کاری ئەو نەخۆشانەی گیانیان لە دەستداوە،  بە کارەسات ناودەبات،  کە لەلایەن هەندێک نەخۆشخانەتایبەتەکان ئەنجامدراوە.

شنۆ ئەشقی ئەندامی لیژنەی تەندروستی لە پەرلەمانی کوردستان بە PUKmedia ی راگەیاند: بڕیارەکانی وەزارەتی تەندروستی لەبارەی دیاریکردنی نرخی نەخۆشخانە تایبەتەکان، بەدیاریکراوی لەگەڵ سەرهەڵدانی ڤایرۆسی کۆڕۆنا،   وەکو خۆی جێبەجێ ناکرێ، ئەمەش وایکردووە هاوڵاتیان زەرەرمەندی یەکەم بن.

وتیشی: ئێمە وەک لیژنەی تەندروستی پەرلەمان لە میانی بەدواداچونەکانمان بۆ ماندەرکەوتووە،  کە بەشێک لە نەخۆشخانەتایبەتەکان بە ئارەزووی خۆیان نرخ دادەنێن و  لەو بارەیەوە وەزیری تەندروستی بێ دەنگە، ئەمەش لەکاتیکدا بریار هەیە بۆ ئەوەی نرخی مانەوە لە نەخۆشخانەکان کەمبکرێتەوە.

ئەو ئەندامەی لیژبەی تەندروستی پەرلەمان ئاماژەی بەوەشکرد: بەهۆی زۆری نرخی ئەو نەخۆشخانانە هاوڵاتی هەبووە گیانی لەدەستداوە و کەسوکارەکەی توانای دانەوەی پارەی چارەسەریان نەبووە،  دواتر بۆیان کردوون  بە قیست تاکو پارەکە بدەن، ئەمەش کارەساتە. کەدەبوو نەخۆشخانە تایبەتەکان لەم بارودۆخە هاوکاری خەڵک بن.

ئاشکراشیکرد: بەهەمانشێوە ئێمە رەخنەمان لە شێوازی وەرگرتنی پارەی پشکنینی کۆڕۆنا لە فرکەخانەی هەولێر هەیە، کە پارەکەی بۆ کۆمپانیایەکە و ناچێتەوە خەزێنەی حکومەت.

شنۆ ئەشقی راشیگەیاند: لەسەر ئەو کێشانە کۆمەڵێک  پرسی تری تایبەت بەو کەرتە، ئەمرۆ لیژنەی تەندروستی پەرلەمان میوانداری وەزیری تەندروستی و وەفدێکی وەزارەتەکەی کرد، لە کۆبونەوەیەکدا گفتوگۆی پێویست ئەنجامدرا.

PUKmedia تەها عەبدوڵڵا 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket