فەرەنسا.. دادگایی کردنی تاوانبارانی هێرشەکانی 13ی نۆڤەمبەر بەردەوامە
جیهان 02:42 PM - 2021-10-22
مانگێک و 22 رۆژ بەسەر دادگایی کردنی تیرۆریستانی داعشدا تێپەڕی و بەردەوامیش ئەبێت تا 25 ی مایسی ساڵی 2022 ، بەپێی ئەو رۆژمێرەی کە هەر لەسەرەتای دەستپێکردنی ئەو پرۆسەیەوە لەلایەن 5 دادەوەرەوە دانراوە ، ئەمڕۆ دادوەرەکان گووێ لە شایەتی کەس و کاری قووربانیانی شەوی 13 ی نۆڤەمبەر ئەگرن ، هەروە ها گووێ بۆ ئەو کەسانەش ئەگرن کە ئەو شەوە لە ناو هۆڵی باتاکلاند ئامادەی ئاهەنگی موزیک بوون ئەوانەی لە ناو باڕو ریستۆرانتەکاندا بە رێکەوتوو و بە شانس نەکوژراون ، گوێگرتن لەم شایەتیانە تا کۆتایی مانگی ئۆکتۆبەر ئەخایانێت و هەر شایەتێک نیو کاتژمێری بۆ تەرخانکراوە .
دوێنێ پێنج شەممە 21 ئۆکتۆبەر2021 ، نۆرەی شایەتی ئەوانەی بەڕێکەوت و بەجانس نەکوژراون و کەسوکار و نزیکی ئەو 130 کەسە بوو کە لەو شەوەدا بە دەستی تیرۆریستان کوژران ، لەبەر گرنگی ئەم پرۆسەیە و بۆ مەبەستی بەباشی بەڕیوەچوونی ئەم پرۆسیە ، کاتەکان دابەشکراوە لە شێوەی ڕۆژمێرێکدا لە ماوەی ئەو 9 مانگەدا ، بۆ بەشدار بووان و پارێزەرەکان و هێزە ئەمنیەکان و کەسایەتیە سیاسی و کۆمەڵایەتیەکان و تاوانباران و پارێزەران ، بەشێوەیەک کە لەسەر بەرنامەو پلانی دادوەرەکاندا دارێژراوە بۆ ئەوەی ئەو پرۆسەیە بەباشی بەڕێوەبچێت و هەمووکەسێک مۆڵەتی قسەکردنی هەبێت ئەوی جێی باسە نزیکەی 1300 کەس لایەنی مەدەنیان بەدەستهێناوە و 350 لەوانەش بانگکراون بۆ شایەتی .
هەر کەسەو شایەتی خۆی بە جۆرێک بۆ ئەو ڕووداوەکە دڵتەزێنە ئەگێرێتەوە و باس لەو گەرمەساتە ئەکات کە لەوکاتەدا تێیدا ژیاوە ، و بە ووردی باس لەو شەوەدا ئەکەن ، کە چۆن ڕزگاری بووە لەناو هۆڵێکی هوونەری باتاکلاند دا کە بەسەدان کەسی تێدا بووە ،باس لەوە دەکەن چۆن بەناو لاشەی کوژراوەکاندا هەنگاویان ناوە و تا ئێستاش تێناگەن چۆن توانیویانە خۆیان دەربازکەن و چۆن نەجاتیان بووە نەمردوون .
بە بیرهێنانەوەی هێرشە تیرۆریستەکەی شەوی 13 نۆڤەمبەری 2015
9 تیرۆریستی سەر بە داعش ، لە 3 شوێنی جیاوازی پاریس و لە یەککاتدا بە جێاوازی چەند چرکەیەک لە یەک دا بەپێی پلان و نەخشەیەکی پێشوەخت داڕێژراو لە 13 ی نۆڤەمبەری ساڵی 2015 واتە پێش 6 ساڵ هێرشیان کردە سەر خەڵکی بێتاوانی پاریس و ئەو شەوەیان خەڵتانی خوێن کرد بە کوشتنی 130 کەس و بریندارکردنی نزیکەی 400 کەس و کەمئەندامکردنی چەند کەسێک .
لە 3 شوێنی جیاوازەوە ئەو هێرشانە کرا ،،
یەکەم / لە نزیک یاریگای پاریس ناسراو بە یاریگای ( ستاد دو فرەنس ) فرانسوا هۆڵاند لەو کاتەدا ئامادە بوو بۆ سەیرکردنی یاری نێوان ئەڵمانیاو فەرەنسا ، 3 تیرۆریست هەوڵیاندا بچنە ناو یاریگاکەوە و خۆیان بتەقێننەوە ، بەڵام نەیانتووانی بچەنە ژوورەوە و لە دەرەوەی یاریگاکەدا لەبەردەم دەرگای چوونە ژوورەکانیدا ، خۆیان تەقاندەوە و چەند کەسێکیان بریندار کرد ، سەرۆک هۆڵاند ناچار بوو یاریەکە جێهێڵێت وبە پەلە بگەڕیتەوە بۆ کۆشکی لەلیزێ .
دووهەم / لە بازنەی 10 ی پاریس دوای تەنها 4 چرکە ، بە ئۆتۆمۆبیل و بە دەستڕێژی کلاشینکۆف شەل و کوێرم ناپارێزم بۆ سەر ئەو کەسانەی لەسەر شۆستەی ریستۆرانتوو باڕەکاندا دانیشتببون ، ئیبراهیم عبدوالسلام برای سەلاح عبدوالسلام کە تەنها ئەوە ماوە ونەمردوە و لەبەردەم دادگادایە ، لەکۆی ئەو 9 تیرۆریستەی تر ، براکەی لە ناو باڕێکدا خۆی تەقاندەوەو چەند کەسێکی بریندار کرد ، لەم هێرشەدا 39 کەس کوژران و 32 ی تریش بەسەختی بریندار بوون .
سێهەم / ناو هۆڵی باتاکلاند و لە کاتی ئاهەنگێکی موزیکدا ، 3 لە تیرۆریستانە بێ بەزییانە ئەو هۆڵەیان خووێناوی کرد بە کوشتنی 90 کەس و بریندارکردنی 12 کەس بە سەختی .
کۆیی کوژراوانی ئەو شەوە 120 کەس و 400ی تریش بریندارە و تەنها سەلاح عبدوالسلامیش بە زیندوێتی ماوە لە کۆی ئەو 9 تیرۆریستە تائێستا نەزانراوە بۆچی خۆی نەتەقاندۆتەوە لەو شەوەدا ، ئەوانی تر هەموویان یان خۆیان تەقاندۆتەوە یان لەلایەن هێزە دژەتیرۆرەکانەوە کوژراون و هەموو فەرنسا و دادوەران و 1300 لایەنی مەدەنی زیاد لە 300 پارێزەر چاویان لەدەمی سەلاحە ،لەگەڵ سەلاح عبدوالسلامدا 14 تیرۆریستی تر لەبەردەم دادوەردان ،کە بە کەم و بەزۆر ،لەدوور و لە نزیکەوە هاوکار وبەشداریان کردووە .
ئەوەی شایەنی باسە فرانسوا هۆڵاند سەرۆکی پێشووی ئەو کاتەی فەرەنسا لە رۆژی 10 ی نۆڤەمبەردا لەبەردەم دادوەردا ئامادەئەبێت بۆ شایەتی وەک سەرۆکی کۆمار ، ئەم شایەتیەش لەسەر داوای رێکخراوی 13 ی نۆڤەمبەرەوە یە کە داوایان لە سەرۆکی پێشوو و وە وەزیری ناوخۆی ئەو کاتە بێرنار کازانۆڤ ئامادەبن بۆ شایەتی .
ئەوەی شایەنی باسکردنە ، کە ئەم پرۆسیە بە گەورەترین و گرنگترین پرۆسەی تیرۆریستی دائەنرێت لەمێژووی تیرۆردا وتەواوی ئەو پرۆسەیە تۆمارئەکرێت بە دەنگ و بە وێنە و لە ئەرشیفی نیشتمانیدا ئەپارێزرێت .
هەموو ڕۆژێک ئەم پرۆسەیە لە لایەن 141 میدیاوە ڕۆماڵئەکرێت و 58 میدیای جهانیش بەشدارە بۆ رۆماڵکردن .
PUKmedia ئامادەکردنی/حەمە عوسمان
لە میدیاکانی فەرەنساوە
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
ئەمانەش ببینە
قوباد تاڵەبانی: ئارامی سلێمانی هێڵی سوورە
08:59 PM - 2024-04-19
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
زۆرترین خوێنراو
-
پلهبهرزكردنهوهی مووچهخۆرانی ههرێم رهزامهندی بهغدای دهوێت
کوردستان 10:40 AM - 2024-04-20 -
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19