riklam

هێڵی 100 مه‌تری هه‌ولێر داخرا

کوردستان 05:57 PM - 2021-10-17

دوای كه‌متر له‌مانگێك له‌كردنه‌وه‌ی هێڵی  شه‌قامی 100مه‌تری پاسه‌كانی هه‌ولێر ئه‌و هێڵه‌ داخراو و نه‌تواندرا به‌رده‌وام بێت به‌رووی سه‌رنشینان، سه‌رۆكی لقی هه‌ولێری سه‌ندیكای گواسته‌وه‌ی كوردستانیش هۆكاری داخستنه‌كه‌ بۆ مامه‌له‌ی كڕ‌ین و فرۆشتنی شوفێران به‌ هێڵه‌كه‌ ده‌گه‌رێنه‌وه‌.

عه‌بدوڵڵا شاكر سه‌رۆكی لقی هه‌ولێری سه‌ندیكای  گواستننه‌وه‌ی كوردستان به‌ PUKmedia ی راگه‌یاند: له‌كۆتایی مانگی هه‌شتی ئه‌مساڵ هێلی گواستنه‌وه‌ی شه‌قامی 100مه‌تری له‌ هه‌ولێر كرایه‌وه‌، كه‌چی دوای كه‌متر له‌مانگێك ئه‌و هێلًه‌ داخراو نه‌توانرا به‌رده‌وام بێت.

وتیشی: به‌گوێره‌ی به‌ دواداچونه‌كانمان بۆمان ده‌ركه‌وت به‌هۆی مامه‌ڵه‌ی كڕ‌ین و فرۆشتنی شوفێران به‌ هێله‌كه‌ نه‌تواندراوه‌ به‌رده‌وام بێت له‌كاركردن.

 لێپرسراوه‌كه‌ی سه‌ندیكای گواستنه‌وه‌ راشیگه‌یاند: به‌هۆی پێویستی بوونی هێڵی گواستنه‌وه‌ی 100مه‌تری خه‌ڵكی به‌گه‌رمیه‌وه‌ پێشوازیان له‌كردنه‌وه‌ی كرد، ئه‌مه‌ش ده‌ریده‌خات كه‌ هۆكاری داخستنه‌كه‌ بۆ نه‌بوونی سه‌رنشین و بێكاری نه‌بووه‌.

ته‌ئكیدیشیكرده‌وه‌ كه‌ شه‌قامی 100مه‌تری شه‌قامێكی سه‌ره‌كی هه‌ولێره‌ و چه‌ندین گه‌ڕ‌ه‌ و شوێنی گشتی و بازاڕ‌ به‌یه‌كه‌وه‌ ده‌به‌ستێته‌وه‌، بۆیه‌ بوونی ئه‌و هێله‌ زۆر پێویست بوو، به‌ڵام به‌ داخه‌وه‌  داخراوه‌ .

جگه‌ له‌ 100مه‌تری له‌ سنووری شاری هه‌ولێر هێله‌كانی 30 مه‌تری وشه‌شت مه‌تری و 40 مه‌تری هه‌یه‌، له‌گه‌ڵ ئه‌وه‌ی هاوكاریه‌كی باشی سه‌رنشینان ده‌كات ، به‌ڵام به‌شێك له‌ پاسه‌كانی ئه‌و هێلانه‌ كۆنن و بۆ كاركردن گونجاونین، ئه‌مه‌ش بۆته‌ مایه‌ی بێزاری سه‌رنشینان.

PUKmedia ته‌ها عه‌بدوڵڵا

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket