قائیمقامی سلێمانی: ناهێڵین كێشه‌ی سوته‌مه‌نی دروست ببێت

قائیمقامی سلێمانی دڵنیایی دا له‌وه‌ی كه‌ كێشه‌ی كه‌می و گرانی غازی شل به‌رده‌وام نابێت و له‌ چه‌ند رۆژێكی كه‌مدا چاره‌سه‌ر ده‌بێت.

ئه‌مڕۆ 17/10/2021 له‌ میانی سه‌ردانی نوێنه‌ری خاوه‌ن سیتییه‌كانی ناو شار بۆ قائیمقامیه‌تی سلێمانی، باسیان له‌ كه‌مبوونه‌وه‌ی بڕ و گرانبوونی نرخی غازی شل (LPJ) كرد كه‌ بارگرانی بۆ دروستكردوون، له‌ میانی كۆبونه‌وه‌ له‌گه‌ڵیاندا ئاوات محه‌مه‌د- قائیمقامی سلێمانی رایگه‌یاند: ئه‌گه‌ر كێشه‌یه‌ك دروست بووبێت به‌هۆی پرۆسه‌ی چاكسازییه‌وه‌یه‌ له‌لایه‌ن كۆمپانیای داناغازه‌وه‌، به‌هۆیه‌وه‌ بڕی به‌رهه‌مهێنان به‌رێژه‌یه‌كی كه‌م كه‌میكردووه‌.

وتیشی: كێشه‌كه‌ بۆ ماوه‌یه‌كی كه‌مه‌ و له‌چه‌ند رۆژی داهاتوودا بڕی به‌رهه‌مهێنان ئاسایی ده‌بێته‌وه‌.

PUKmedia راگه‌یاندنی قائیمقامیه‌تی سلێمانی