دهۆك.. نرخی غاز و به‌نزین به‌رزبووه‌ته‌وه‌

بو ده‌مێ 3  روژانه‌ بهایێ په‌نزینێ ،وغازێ ل پارێزگه‌ها دهوكێ گرانبوویه‌ وسرا  وقه‌ره‌بالغه‌كا ئێكجار په‌یداكریه‌ ونه‌بوونا غازی وپه‌نزینێ ل پانزینخانه‌ و گوره‌پانێن غازێ بویه‌ جهێ گله‌ وگازنده‌یا هاوه‌لاتیان، وداخاز دكه‌ن داوی ب ڤان قه‌یرانا بهێتن .
ول پرانیا پانزینخانه‌ێن دهوكێ لترا پانزینا نورمال (عادی )   ب 900 دینارا دهێته‌ فروتن، وهه‌روه‌سا بهایێ ئێك بتلێ غازێ گه‌هشتیه‌ ١٥ هزار دینارا 

شه‌عبان سه‌لمان ، ئێك ژ ژمێریارێن پانزینخانه‌یه‌كا دهوكێ خویاكر: كو ئه‌ڤرو سپێدێ نێزكی 37 هزار لترێن پانزینێ ژ كومپانیا كار گه‌هشتینه‌ پانزینخانه‌یا وان،  وهه‌ر لتره‌كێ ب 730 دینار دفروشن ، هه‌روه‌سا گوت ژی : ئه‌ف رێژه‌یا پانزینێ چ ره‌نگا  تێرا پارێزگه‌ها دهوكێ ناكه‌ت و  بریاربو سه‌رێ ڤێ مه‌هێ رێژه‌كا پانزینێ ژ به‌غدا بهیت لێ ئه‌وژی نه‌هاتیه‌ ، وپانزینا ئیرانێ ژی رێژه‌كا گه‌له‌ك كێم دهێته‌ هه‌رێمێ

ده‌رباری گرانبوونا بهایێ غازێ ل دهوكێ  
 هه‌لكه‌ت دوسكی، ئێك ژ فروشیارێن غازا بازرگانی لسه‌ر جادده‌كا سه‌ره‌كییا سه‌نته‌رێ‌ باژێڕێ دهوك خویاكرو گوت: قه‌یرانا غازێ بۆ ئه‌گه‌ره‌كێ ته‌كنیكی ڤه‌دگه‌ریت، به‌لێ‌ نه‌یا دیاره‌ كه‌نگی دێ ئه‌و كێشه‌ چاره‌سه‌ر بیت، و هه‌لكه‌ت دوسكی دبێژیت، ل گۆره‌پانێن بازرگانی ژی غاز نه‌مایه‌ و ئه‌گه‌ر هه‌بیت، ئێك قنینه‌ دێ ب 20 هزار دیناران ژی هێته‌ فروشتن

دهێته‌ زانین بو ده‌مێ زێده‌تر ژ 3 روژانه‌ قه‌یرانا غازێ و په‌نزینێ جاره‌كادی ل پارێزگه‌ها دهوكێ سه‌رهه‌لدایه‌ و ڤێ یه‌كێ كارڤه‌دان ژلایێ هاوه‌لاتیان ڤه‌ لدیف خو ئیناینه‌ . 

PUKmedia به‌یار ئامێدی