riklam

به‌كره‌جۆ.. له‌سه‌ر زیاده‌ڕۆیی 60 كه‌س ده‌درێنه‌ دادگا

کوردستان 01:46 PM - 2021-10-14

به‌ڕێوه‌به‌رایه‌تی ناحیه‌ی به‌كره‌جۆ ئامارو كاروچالاكیه‌كانی یه‌ك مانگی رابردووی راگه‌یاند له‌و ماوه‌یه‌ش چه‌ندین كه‌س دراونه‌ته‌ دادگا و ده‌ستگیر كران و ھه‌روه‌ھا چه‌ندین خانوو كه‌ زیاده‌رۆییان كردووه‌ ڕوخێندراون، به‌رێوه‌به‌ری ناحییه‌كه‌ش ئاماژه‌ بۆ ئه‌وه‌ ده‌كات" به‌رده‌وام ده‌بن تاوه‌كو ھیچ زیاده‌رۆییه‌ك ئه‌نجام نه‌درێت".

عوسمان شارباژێڕی به‌ڕێوه‌به‌ری ناحیه‌ی به‌كره‌جۆ له‌ كۆنگره‌یه‌كی ڕۆژنامه‌وانیدا ڕایگه‌یاند" به‌ڕێوه‌به‌رایه‌تی ناحیه‌ی به‌كره‌جۆ یه‌كێكه‌ له‌ به‌ڕێوه‌به‌رایه‌تیه‌ گه‌وره‌كان كه‌ پێكدێت له‌ ٥٢ كه‌رت و زیاتر له‌ ٩٢ گوند، ئه‌و گوندانه‌ش نزیكن له‌ شاره‌وه‌ ئه‌وه‌ش وایكردووه‌ چاوی زۆری له‌سه‌ر بێت بۆ دروستكردنی خانوو به‌شێوه‌ی زیاده‌ڕۆیی ، له‌ماوه‌ی ئه‌م مانگه‌شدا وه‌ك به‌ڕێوه‌به‌رایه‌تی ناحیه‌ی به‌كره‌جۆ له‌گه‌ڵ سه‌رجه‌م شاره‌وانییه‌كانی به‌كره‌جۆ و لیژنه‌كانی زیاده‌ڕۆیی و به‌ھاوكاری ھێزه‌ ئه‌مینه‌كان و ئه‌و لیژنه‌یه‌كی كه‌ بریكاری وه‌زیری ناوخۆ لیوا چه‌تۆ پێكیهێنا بۆ رێگری كردن له‌و زیاده‌ڕۆییانه‌ی كه‌ له‌به‌شێك له‌ گونده‌كان ئه‌نجامده‌دران ، له‌ماوه‌ی ئه‌م مانگه‌دا ٥ ھه‌یكه‌لی خانوو لابراون كه‌ به‌ زیاده‌ڕۆیی دروست كراون. ھه‌روه‌ھا ١٥ بناغه‌ی خانوو كه‌ به‌ نایاسایی دروست كراون و لابردنی ٢٨ سیاج كه‌ ئه‌وانیش به‌ نایاسایی دروست كراون و لابردنی ٢٥٠ ریكلامی نایاسایی و ھه‌روه‌ھا لابردنی ١٩ گه‌وڕی ئاژه‌ڵداری كه‌ ئه‌وانیش به‌نایاسایی دروست كراوون  و ٢٤ ده‌ستگیڕی نایاسایش لابراون ،١١ دوكانیش داخراون به‌ھۆی سه‌رپێچی كردنه‌وه‌ ، ھه‌روه‌ھا ٢٥٠ كار راوه‌ستێنراون له‌كاتی سه‌رپێیدا ، پاشانیش ھه‌ر له‌ماوه‌ی ئه‌م مانگه‌دا بڕی ٩سه‌د ھه‌زار دینار غه‌رامه‌ تۆمار كراوه‌ ".
وتیشی: ھه‌ر له‌ماوه‌ی ئه‌م مانگه‌دا شاره‌وانی تاسڵوجه‌ ٨٦ كه‌سیان رووبه‌روی دادگا كردوه‌ته‌وه‌ و ١٥ خانووه‌ سیاجیان كه‌ به‌نایاسایی دروست كراون روخاندووه‌ ، ٢٠ كه‌پر و عه‌ره‌بانه‌یان لابردووه‌ كه‌ ئه‌وانیش شوێنی نایاسایی كاریان كردووه‌ ، و له‌ سنوری به‌رێوه‌به‌رایه‌تی شاره‌وانی راپه‌رینیش له‌ماوه‌ی ئه‌م مانگه‌دا ٢٣ كه‌س دراون به‌ دادگا و ٨ كه‌سیش ده‌ستگیر كراون و ١٦ سیاج و باخیان لابردووه‌".
به‌رێوه‌به‌ری ناحیه‌ی به‌كره‌جۆ ئاماژه‌ی بۆ ئه‌وه‌شكرد" گونده‌كانی تووه‌سپی و عه‌زیز ئاوا چاوی زۆریان له‌سه‌ر و زۆرترین خانووی نایاسای تێدا دروست ده‌كرێت بۆیه‌ به‌رده‌وام ھێزه‌ ئه‌منیه‌كان و ئه‌و لیژنه‌ ئه‌منییه‌ی كه‌ دروست كراون به‌شه‌و به‌رۆژ چاودێری ئه‌و ناوچانه‌ ده‌كه‌ن تاوه‌كو زیاده‌رۆی دروست نه‌بێت بۆیه‌ له‌ماوه‌ی ئه‌م مانگه‌دا، زیاتر له‌ ٤٠ خانوو روخێندراون و ٦٥ كه‌سیش دراون به‌ دادگا و ھه‌روه‌ھا له‌لایه‌ن پۆلیسی دارستانیشه‌وه‌ ٢٠ كه‌س دراون به‌دادگا".

PUKmedia جه‌مال سه‌رگه‌تی
وێنه‌/ جه‌عفه‌ر جه‌لالی 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket