نه‌خۆشخانه‌ی قه‌ڵادزێ هۆشداری ده‌داته‌ هاووڵاتیان

له‌ ڕاگه‌یه‌ندراوێكدا نه‌خۆشخانه‌ی گشتی قه‌ڵادزێ هۆشداری ده‌داته‌ هاووڵاتیان كه‌ ڕێژه‌ی توشبوان به‌ ڤایرۆسی كۆرۆنا گه‌یشته‌ به‌رزترین ئاست و بۆ ئه‌م مه‌به‌سته‌ش سه‌ردانیكردنی نه‌خۆش به‌تایبه‌تیش توشبوانی كۆرۆنا قه‌ده‌غه‌ كرد.

بۆ هه‌مان مه‌به‌ست بنكه‌ی پۆلیسی نه‌خۆشخانه‌ی گشتی قه‌ڵادزێ داوای له‌ هاووڵاتیان كرد پابه‌ندی بڕیاره‌كه‌ی نه‌خۆشخانه‌بن و هاوكاری كارمه‌ندانی پۆلیس بكه‌ن، چونكه‌ دواجار ڕێگه‌گرتن له‌ چونه‌ ژووره‌وه‌ی هاووڵاتیان بۆ لای نه‌خۆش بۆ پاراستنی گیانی هاووڵاتیان خۆیانه‌.
ده‌قی ڕاگه‌یه‌یه‌ندراوه‌كه‌ی نه‌خۆشخانه‌ی فێركاری شه‌هیدانی قه‌ڵادزێ.
داوا له‌ هاوشاریانی خۆشه‌ویست ده‌كه‌ین كه‌ سه‌ردانی كردنی نه‌خۆش له‌مه‌ودوا به‌هه‌موو شێوه‌یه‌ك قه‌ده‌غه‌یه‌ به‌تایبه‌ت نه‌خۆشانی كۆڕۆنا ، به‌داخه‌وه‌ ئه‌وه‌ ڕاده‌گه‌یه‌نین كه‌ ژماره‌ی توشبوان به‌ ڤایرۆسی كۆڕۆنا له‌به‌رزترین ئاستدایه‌و ڕۆژ به‌ڕۆژ به‌ره‌و هه‌ڵكشان ده‌چێت ، ئه‌مه‌ له‌كاتێكدایه‌ كه‌ قاوشی كۆڕۆنا سه‌رجه‌م بێده‌كانی پڕ نه‌خۆشن و له‌ ئێستادا به‌شی هه‌ناوی و چه‌ند به‌شێكی تر له‌ نه‌خۆشخانه‌ی فێركاری شه‌هیدانی قه‌ڵادزێ چۆڵ ده‌كرێن و توشبوانی كۆڕۆنای لێ ده‌خه‌وێنرێن ، له‌ كۆتایدا وه‌ك هه‌میشه‌ داوا له‌ هاوڵاتیانی خۆشه‌ویست ده‌كه‌ین كه‌ پارێزگاری له‌ ژیانی خۆیان و ئازیزانیان بكه‌ن و پابه‌ندی ڕێنماییه‌ ته‌ندوستییه‌كان بن.

PUKmedia به‌ڕێوه‌به‌رایه‌تی پۆلیسی ڕاپه‌ڕین ڕاگه‌یاندن و په‌یوه‌ندیه‌كان