بنەماڵەی شێخ فەیسەڵ ئاغای گەرگەری هاتنە ناو ریزەكانی یەكێتی

ئەمڕۆ لەسەر داوا و راسپاردەی (شێخ هەركی جەوهەر ئاغا) نوێنەری هاوسەرۆك (بافڵ تاڵەبانی) لە موسڵ، بنەماڵەی شێخ فەیسەڵ ئاغای گەرگەری سەرۆكی عەشیرەتی گەرگەری هاتنەناو ریزەكانی یەكێتی.

شێخ هەركی وێڕای دەربڕینی خۆشحاڵی و گەیاندنی سڵاوی هاوسەرۆك (بافڵ تاڵەبانی) و (قوباد تاڵەبانی) سەرۆكی لیستی هاوپەیمانی كوردستان، رایگەیاند ئیتر دیوەخانی ئاغای گەرگەریەكان دیوەخانی سەرۆك مام جەلالە لە زومارو ناوچەكە. 

لای خۆیەوە (شێخ فواز شێخ فەیسەڵ ئاغا) رایگەیاند، خۆشحاڵ و شەرەفمەندن لەناو ریزەكانی یەكێتی كاربكەن و سوپاسی (شێخ هەركی جەوهەر ئاغا) كرد بۆ ئەو سەردان و متمانەیە.

وتیشی، وەكو گەرگەریەكان بە هەموو شێوەیەك پشتگیری كاندیدی لیستی هاوپەیمانی كوردستان (عزیزە عبدالعزیز كامل) كاندیدی ژمارە (31) لە بازنەی (4)ی نەینەوا دەكەن.

PUKmedia