خورماتوو.. بافڵ تاڵەبانی هاوكاری مامۆستایانی وانەبێژ دەكات

بافڵ تاڵەبانی هاوسەرۆكی یەكێتیی نیشتمانیی كوردستان هاوكاری گەیاندە نزیكەی 100 مامۆستای وانەبێژ لە قەزای خورماتوو.

لەوبارەیەوە ئەمڕۆ پێنج شەممە 7-10-2021 مامۆستا نەوزاد قادر لێپرسراوی كۆمیتەی 6 فەرمانبەران بە PUKmedia ی ڕاگەیاند: لەسەر داوای مەلا كەریم شكور ئەندامی سەركردایەتی و لێپرسراوی مەڵبەندی 16 ی رێكخستنی حەمرین، بافڵ تاڵەبانی هاوسەرۆكی یەكێتیی نیشتمانیی كوردستان هاوكاری نزیكەی 100 مامۆستای پیاو و ژنی هەردوو بەشی خوێندنی كوردی و عەرەبی وانەبێژی خۆبەخشی كرد كە لە ساڵی 2018 وە وانە دەڵێنەوە و ئەمڕۆ بە ئامادەبوونی مەلا كەریم شكور كاندیدی ژمارەی 39  بەسەر مامۆستایاندا دابەشكرا.

بەشێك لەو مامۆستایانە بە PUKmedia یان ڕاگەیاند: زۆر سوپاسی بافڵ تاڵەبانی هاوسەرۆكی یەكێتی و مەلا كەریم شكور كاندیدی ژمارەی 39 دەكەین بۆ ئەو هاوكارییە و بەڵێن دەدەین كە ڕۆژی 10-10-2021 بكەینە ڕۆژی سەركەوتن بۆ كاندیدی هاوپەیمانی كوردستان ژمارە 39. 

PUKmedia عەدالەت میعاد