هه‌ڵه‌بجه‌ .. یه‌كێتی پێداویستی به‌شه‌ناوخۆییه‌كانی زانكۆ دابین ده‌كات

دوای ئه‌وه‌ی سه‌رۆكایه‌تی زانكۆی هه‌ڵه‌بجه‌ داواكارییه‌كی به‌ په‌له‌یان له‌ حامید حاجی غالی سه‌رپه‌رشتیاری هه‌ڵمه‌تی بانگه‌شه‌ی هاوپه‌یمانی كوردستان له‌ سنو,ری مه‌ڵبه‌ندی شاره‌زوور كرد، له‌ ڕێگه‌ی مه‌كته‌بی ئیداره‌ و دارایی گشتیی  ژماره‌یه‌كی زۆر غه‌ساله‌ و ته‌باخ و سه‌لاجه‌یان گه‌یانده‌ به‌شه‌ ناوخۆییه‌كانی زانكۆی هه‌ڵه‌بجه‌.   

د. مه‌هاباد كامیل سه‌رۆكی زانكۆی هه‌ڵه‌بجه‌ سوپاس و پێزانینی زانكۆی هه‌ڵه‌بجه‌ی ئاڕاسته‌ی حامیدی حاجی غالی و مه‌كته‌بی ئیداره‌ و دارایی گشتی ی ن ك كرد كه‌ له‌ كه‌متر له‌ 24 سه‌عاتدا پێداویستیه‌كانیان بۆ دابین كردوون.
لایخوشیه‌وه‌ چرۆ شه‌ریف كانیدی ژماره‌ 20 له‌ بازنه‌ی 3 سلێمانی ڕایگه‌یاند: ئێمه‌ وه‌ك كاندیدانی هاوپه‌یمانی كوردستان دڵنیایی ده‌ده‌ین كه‌ ئامانجمان خزمه‌ته‌ به‌ هه‌موو توێژه‌كان و داوا ده‌كه‌ین هاووڵاتیان متمانه‌ی خۆیان به‌ هاوپه‌یمانی كوردستان بده‌ن و ئێمه‌ش خزمه‌تكاریان ده‌بین.

PUKmedia فه‌رحان حه‌مه‌ خان - هه‌ڵه‌بجه‌