پارێزگاری سلێمانی: ژماره‌یه‌كی زۆر ڤاكسین دابینكراوه‌

ھه‌ڤاڵ ئه‌بوبه‌كر پارێزگاری سلێمانی رایده‌گه‌یه‌نێت، له‌م وه‌رزه‌دا مه‌ترسی به‌رزبوونه‌وه‌ی زیاتری ئاماره‌كانی كۆرۆنا ھه‌یه‌، داواش له‌ ھاووڵاتیان ده‌كات ڤاكسین وه‌ربگرن.

ھه‌ڤاڵ ئه‌بوبه‌كر پارێزگاری سلێمانی له‌ لێدوانێكی رۆژنامه‌نووسیدا رایگه‌یاند: ژماره‌یه‌كی زۆر ڤاكسینمان دابینكردووه‌ و ژماره‌ی بنكه‌كه‌كانی پێدانی ڤاكسینمان له‌ ناو شاری سلێمانی، بۆ 13 بنكه‌ زیادكردووه‌.
 وتیشی: تیمی گه‌ڕۆكمان بۆ فه‌رمانگه‌ و شوێنه‌ گشتیی و تایبه‌ته‌كان پێكھێناوه‌ و له‌ ھه‌موو قه‌زا و ناحیه‌كانیش بنكه‌ی ڤاكسینپێدانمان كردووه‌ته‌وه‌.

 پارێزگاری سلێمانی ئاژماژه‌ی به‌وه‌شدا، له‌ وه‌رزی پایزدا كه‌ وه‌رزی په‌تا گواستراوه‌كانه‌، مه‌ترسی به‌رزبوونه‌وه‌ی زیاتری كۆرۆنا ھه‌یه‌، بۆیه‌ بچن و ڤاكسین وه‌ربگرن.

PUKmedia