}

مامۆستایان چۆن بیردەكەنەوە؟

پەروەردە 09:49 AM - 2021-09-30

مامۆستایان چۆن بیردەكەنەوە؟ بەشێوەیەكی ستاتیكی یان دینامیكی؟  ئەوە زۆر گرنگە چونكە، كاریگەری نەك هەر لەسەر بیركردنەوەكانی بەڵكو لەسەر تەواوی ژیانی خوێندكاریش دروست دەكات، بۆیە سەرەتا ئێمە پێویستمان بە گۆرینی بیركردنەوەكانی مامۆستایانە و دواتر ئەوان دەتوانن بە چەندین رێگای جیاواز وا لە خوێندكار بكەن كە بیربكاتەوە، لەوانە دروستكردنی ژینگەیەك كە تێدا خوێندكار بەكرداری سەنتەربێت و هەروەها بەكارهێنانی شێوازە نوێیەكانی وانە وتنەوە بۆنموونە كاتێك بەگروپ خوێندكارەكان كاردەكەن بێگومان گەر مەرجەكانی كاری گروپی جێبەجێبكەن ئەوا زۆرشت فێردەبن ئەوان كاتێك گفتوگۆ لەگەڵ یەكتر دەكەن بێگومان لەو رێگایەوە خوێندكاران باشتر بیردەكەنەوە و جگە لەوەی لەڕێگای پرسیاركردنەوە هەمیشە دەتوانرێت وا لە خوێندكارەكان بكرێت كە بیربكەنەوە زۆر گرنگە پرسیارەكان پرسیاری كراوەبن ئەوەی تێبینی كراوە پرسیارەكان زیاتر داخراون و ئەوەش رێگا بەخوێندكار نادات كە هیچ بیربكاتەوە،  دواجار مامۆستا ئەتوانێت ژینگەیەكی وا دروست بكات لە ناوپۆلدا كە خوێندكار بیرنەكاتەوە و هیچ پرسیاركیش نەكات و بەپێچەوانەوەشەوە.

نەخێر پەروەردەكاران رانەهێراون تا وا لە خوێندكار بكەن بیربكاتەوە، خۆی لە راستیدا ئەركی وەزارەت و بەڕیوەبەرایەتییەكان و یەكەكانی مەشق و راهینانی پەروەردەییە كە خولی كرداری بۆ مامۆستایان بكەنەوە تا فێرببن شێوازە نوێیەكانی وانە وتنەوە بەكاربهێنن كە هەم خوێندكار سەنتەربێت و لەو رێگایەوە بتوانن وا لە خوێندكاران بكەن گفتوگۆبكەن و بیربكەنەوە، مامۆستایان دەتوانن خۆیان هەوڵ بدەن و بەهەوڵە تاكەكەسییەكانیان هەم بیركردنەوەكانی خۆیان بگۆرن هەمیش كاریگەری لەسەر خوێندكارەكانیان دروست بكەن.

میتۆدی جیاواز و زۆر هەیە كە دەتوانرێت بەكاربهێنرێت تا وا لە خوێندكار بكات  بیركاتەوە، هەرچەندە ئەزانم كە هەر مامۆستایەك بیەوێت ئەو میتۆدانە بەكاربهێنێت روبەڕووی دەیان گرفت دەبێتەوە هەر لە نەبوونی شوێنی پێویست و گونجاو و نەبوونی كات و نەبوونی هۆیەكانی فیركاری و كۆمەڵێكی هۆكاری دیكە، بەڵام دواجار بەئیرادە و ماندوبوونی مامۆستاكە دەتوانرێت كاریگەری دروست بكات و وا لە خوێندكار بكات كە بیربكاتەوە و بێگومان كاریگەری ئەو بیركردنەوەیەش نەك تەنها بۆ خودی خۆی، بەڵكو بۆ هەموو كۆمەڵگاش سودبەخش دەبێت لە داهاتوودا.

PUKmedia چنار عەزیز

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket