هاوخەمی قوباد تاڵەبانی بۆ بنەماڵەی كوێخا محەمەد

بەهۆی كۆچی دوایی كوێخا محەمەد سەرۆك عەشیرەتی تایشەیی جاف، قوباد تاڵەبانی جێگری سە‌رۆكی ئە‌نجومە‌نی وە‌زیران پرسەنامەیەك ئاڕاستەی خێزان و خانەوادەی كۆچكردوو دەكات كە ئەمە دەقەكەیەتی:

بەرێزان خێزان و خانەوادەی كۆچكردوو كوێخا محەمەد

بەبیستنی هەواڵی كۆچی دوایی كوێخا محەمەد سەرۆك عەشیرەتی تایشەیی جاف، دڵگران و نیگەران بووین.

كۆچكردوو كەسایەتییەكی كۆمەڵایەتی و نیشتمانپەروەری  دیاری گەرمیان بوو كۆچكردنیشی جێگای داخێكی گەورەیە.

بەم بۆنە خەمناكەوە پرسە و سەرەخۆشی لەخێزان و خانەوادە بەڕێزەكەتان دەكەم و خۆم بە هاوبەشی خەمتانم دەزانم. خوای گەورە سەبوریی و دڵنەوایی بەهەموو لایەك ببەخشێت، جێگای كۆچكردووش بەهەشتی بەرین بێت.

انا لله وانا الیە راجعون

قوباد تاڵەبانی
جێگری سە‌رۆكی ئە‌نجومە‌نی وە‌زیران

PUKmedia تایبەت