}

ھەولێر ھی ئەنفالچییەکان نییە، ھی غەریب نەوازانی دوای لێقەومانەکانی کوردە

هەواڵ 11:59 PM - 2021-09-23

شاری ھەولێر پێش ئەوەی ھۆلاکۆ بەزێن بێت، پێش ئەوەی پایتەختی سیاسیی وڵات بێت شاری غەریب دۆست و ھەژار لاوێن بوو، دایمە دڵی لای خەڵکی بەڵەنگاز و بێ نەوا بووە لەھەستیارترین کاتی ژیانی گشتی کۆمەڵانی خەڵکدا. 
مێژووی ھەولێر تۆماری وا سەربەرزانەی ھەیە .
لەنزیکترین نموونەی کۆتایی ھەشتاکاندا ، بە تایبەتی دوای ئەنفالەکان لە ساڵی ١٩٨٨ خەڵکی کوردستان لەبیریانە ھەولێر بووە پەناگە بۆ سەدان ماڵە ئاوارە و خێزانی ئەنفالکراو و لێقەوماو لەسەرتاسەری کوردستانەوە. خەڵک لە گیرفانی خۆی و ھیمەتی کۆمەڵایەتی لەجێی سەد رێکخراوی سۆلیدارێتی نموونەیەکی میللیی ھەرەوەزی بەرپاکرد .
ھەولێر بەم میواننەوازییەی ، بەم غەریب دۆستییەی لەئاستی میللەیی و دەستپێشخەری خەڵکدا دەنگی دایەوە. دەستپێشخەری خۆرسکانەی ھەولێر لە تاریکترین رەوشی کوردستاندا کە ھەم بزووتنەوەی شۆرشی کوردستان لە پێکوتە و خاوبوونەوەبوو بە جۆرێ نەیدەتوانی کوردەواری ئاراستە بکات و ھەمیش بەعس لە لوتکەی دەسەڵاتی بێرەحمانەدابوو، بەڵگەیەکی مەزن نیشان دا  لەسەر گیانی بەرەنگاریی سەنگین و مەزنی ھەولێرییان. ھەولێر بەم ناو و ناوبانگە ئازارەکانی ئەنفال و کیمیابارانی دەلاواندەوە ، کەچی حەیفێ ئێستا لە سایەی چەوت و چەوێلی حوکمڕانی پارتیدا بۆتە پەناگەی ئەنفالچییەکان و ئەفسەرانی سوپا بەزیوەکەی بەعس.
ھەولێر پایتەختی ئازار و ژانەکانی ئاوارە و لێقەومانە و ناشێ و نایەوێ پایتەختی داڵدەدانی دۆستەکانی ئەنفالچی و بەعسییەکان بێت. حوکمڕانی ئەو شارە دەبێ ئەم راستییە ھەولێرییەیان لە بیر بێت

PUKmedia 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket