یەكێتی و كۆمەڵی دادگەری لەبارەی هەڵبژاردنەكان و كاری پێكەوەی كۆدەبنەوە

بۆ تاووتوێكردنی كاری پێكەوەیی و تەئكیدكردنەوە لەهەماهەنگی و لێكتێگەیشتنی نێوانیان، زوبێر عوسمان ئەندامی سەركردایەتی و لێپرسراوی مەڵبەندی ٦ی سۆران، بەئامادەبوونی هەژار كوێستانی ئەندامی سەركردایەتی و هەڤاڵ فەیسەڵ كەریم خان برادۆستی، پێشوازیانكرد لە مامۆستا مەڕوان گەڵاڵەیی لێپرسراوی مەڵبەندی سۆرانی كۆمەڵی دادگەری و وەفدێكی یاوەری.

لەدیدارەكەشدا لە پێناو سەرخستنی كاندیدی هاوپەیمانی ژمارە (٢٤) فەیسەڵ كەریم خان برادۆستی بۆ هەڵبژاردنی پێشوەختەی ئەنجومەنی نوێنەرانی عیراق گفتوگۆیان لەبارەی هەڵبژاردنەكان و كاری پێكەوەی كرد لەسنوری سۆران بەتایبەت.

هاوكات زوبێر عوسمان پێشوازیكرد لە ژمارەیەك لە چین و توێژە جیاكانی گوندی جەمە سۆری دۆڵی سورچیایەتی كە نوێنەرایەتی سەدان خەڵك و دانیشتوانی گوندەكەیان دەكەن.

هەروەها بە یاوەری هەژار كوێستانی و فەیسەڵ كەریم خان كاندیدی هاوپەیمانی ژمارە (٢٤) لە بازنەی (١)ی سۆران لە پارێزگای هەولێر، ماڵی ئیسماعیل ئامۆكەیی بەسەركردەوەو لە نزیكەوە لەگەڵ خزمانی سورچیایەتی و كادران و هەڤاڵان، تاووتوێی چڕتركردنەوەی هەوڵەكانی دەرگا بەدەرگای بانگەشەی هەڵبژادن كرایەوە.
PUKmedia هاوار عەباس