}

یەكێتی مامۆستایان داوایەك لە كۆمسیۆن دەكات

کوردستان 05:33 PM - 2021-09-20

بەو پێیەی پڕۆسەكانی هەڵبژاردن لە ناوەندەكانی خوێندن و بینای خوێندنگاكان بەرێوەدەچێت، یەكێتی مامۆستایانی كوردستان داوا لە كۆمسیۆن  دەكات لەكاتی دەنگدان پارێزگاری لەكەرەستە و پێداویستەكانی خوێندن لەو ناوەندانە بكات كە زۆرجار زیانیان بەرەدەکەوێت.

عەبدولواحید  محەمەد سەرۆكی یەكێتی مامۆستایانی كوردستان بە PUKmedia ی  راگەیاند: زۆربەی پڕۆسەكانی هەڵبژاردن لە عیراق و هەرێمی كوردستان لەناوندەكانی خوێندن بەكار دەهێندرێت و سوود لەكەلو پەل و پێداویستی خوێندگاكان وەردەگیرێت، زۆرجاریش زیانیان پێدەگات.

وتیشی: بۆ ئەو مەبەستە داوا لە كۆمسیۆنی هەڵبژاردن دەكەین لەكاتی بەرێوەچونی ئەو پڕۆسەیە، رەچاوی تایبەتمەندی خوێندگاكان بكەن و كاربۆ پاراستنی كەلوپەلەكانیان بكرێت، بۆئەوەی دوای هەڵبژاردن  مامۆستایان و خوێندكاران توشی گرفت و كەموكوری نەبنەوە .

سەرۆکی یەکێتی مامۆستایان راشیگەیاند: بەهۆی ئەوەی بەشێك لە كارمەندان و چاودێرانی ناوەندەكانی هەڵبژاردن لە توێژی مامۆستایان پێكدێت، بۆیە ئەمە وایكردوە ئەو زیانانەی لەكاتی هەڵبژاردن بەر خویندگاكان دەكەوێت كەمتر بێتەوە، چونكە مامۆستایان خەمخۆری ناوەندەكانی خوێندنن.

PUKmedia تەها عەبدوڵڵا

 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket