خویندكار توشبن بفایروسی ده‌رگه‌ھێن خویندنگه‌ھان ناھێنه‌ گرتن

دگه‌ل ده‌ست پێكرنا پروسه‌یا خواندنا ئه‌ڤساله‌ ل پارێزگه‌ھا دھۆكێ ژماره‌كا زور یا ماموستایان فاكسین وه‌رگرتیه‌، ساخله‌میا دھۆكێ ژی دبێژیت ھه‌می ھه‌ول دھێنه‌ دان ھه‌می ماموستا فاكیسنێ وه‌رگرن.

حه‌مزه‌ ره‌زیكی به‌رپرسێ په‌یوه‌ندی و راگه‌ھاندنا ساخله‌میا پارێزگه‌ھا دھۆكێ ب PUKmedia ی راگه‌ھاند، مه‌ بنگه‌ھه‌كێ تایبه‌ت بو ماموستایان دانایه‌ ژبو ھندێ كو ماموستا ل وێرێ فاكسینێ دانن و ئه‌ڤه‌ پێنگاڤه‌كا باشه‌ ئه‌م ماموستا و خویندكاران پارێزین ژ كورونایێ، ئه‌و یه‌كه‌ژی گوت: مه‌ ھه‌ڤكاریه‌كا باش دگه‌ل رێڤه‌به‌ریا گشتی یا په‌روه‌ردا پارێزگه‌ھا دھۆكێ ھه‌یه‌، و مه‌ سه‌نته‌ره‌كێ تایبه‌ت ھه‌یه‌ ب ساخله‌میا خویندكاران ڤه‌،  و ھه‌ر حاله‌ته‌كێ توشبونێ په‌یدابیت دێ مه‌ ھه‌ڤكاری ھه‌بیت كو تیمێن مه‌ زویكا قه‌ست كه‌نه‌ وی جھی.

به‌رپرسێ په‌یوه‌ندی و راگه‌ھاندنا ساخله‌میا پارێزگه‌ھا دھۆكێ دا زانین، كو ھه‌ر خواندنگه‌ھه‌كا حاله‌تێن توشبونێ ب فایروسێ كورونایێ تێدا په‌یدا ببن، ده‌رگه‌ھێ وێ خواندنگه‌ھێ ناھێته‌ گرتن، به‌لكو دێ چاره‌سه‌ریا وێ ره‌وشێ ھێته‌كرن یاكو ل وێرێ په‌یدابوی.

PUKmedia ئانا دیدار