كۆریای باكوور دوو موشەكی نوێ تاقیدەكاتەوە

سەرۆكی ئەركانی سوپای كۆریای باشوور ڕایگەیاند: كۆریای باكوور دوو مووشەكی لە جۆری بالستیك تاقیكردۆتەوە.

بەیانی ئەمڕۆ چوارشەممە 15-9-2021 سەرۆكی ئەركانی سوپای كۆریای باشوور ڕایگەیاندووە كە كۆریای باكوور دوو موشەكی لەجۆر بالستیك تاقیكردۆتەوە.

بەو بەرپرسەی كۆریای باشوور ئاماژەی بە كات و شوێنی تاقیكردنەوەكان نەكردووە. 

سەرۆكی ئەركانی سوپای كۆریای باشوور ڕاشیگەیاندووە كە سوپای وڵاتەكەی بەتەواوەتی لە ئامادەباشیدایە و لەئێستادا بەرپرسانی دەزگای هەواڵگری كۆریای باشوور و ئەمریكا سەرقاڵی لێكۆڵینەوەن لەبارەی تاقیكردنەوەی ئەو دوو موشەكە نوێیەی كۆریای باكوور. 

لەم ساڵدا ئەمە دووەمین جارە كە كۆریای باكوور موشەك تاقیدەكاتەوە.
PUKmedia ئاژانسەكان