تووشی چی بووین خوایە؟

بۆ ئەوەی شەڕی ناوخۆ نەقەومێ دەبێ بە گشتمانەوە دەنگە بۆ ئەوان خڕ بکەینەوە نەکا یەکەم نەبن و تووشی شەڕی ناوخۆ بێین!!
جا ئەوە کاتی خۆی ، وەختی یەکەم ھەڵبژاردنی کوردستان لەساڵی ١٩٩٢ ، کەمپین و مەمپین و شتی وا نەبوو حزبەکان بۆ ھەڵمەتی ھەڵبژاردن دەچوونە شایی و ھەڵپەرکێ و لەوێ ئیشیان لە بووك و زاوا تێکدەدا و ئەگەر سەرچۆپیشیان دەست نەکەوتبێ بەگاوانی رازی دەبوون. یەکێکیان حەماس گرتی و گوتی:
پێشڕەو کورد پارتییە :
پەرلەمانن لۆ چییە
ئێستاش دوای سی ساڵ ، تورکمان گوتەنی: ئینی تاس و ئینی حەمامە.
بێ یەکەمی رکابەری دوا جارجار شەڕی ناوخۆ دەقەومێ.
ئیتر خەرجی ھەڵبژاردنمان بۆ چییە؟!

PUKmedia ستران عەبدوڵڵا