}

ئەو ژنەی لەماڵاندا خەڵكی بێهۆشدەكردو ئاڵتونی دەدزی دەستگیركرا

کوردستان 09:32 AM - 2021-09-14

هێزەكانی پۆلیس ئەو ژنەیان دەستگیركرد كە چەندجارێك و لەچەند ماڵێكدا ژنانی بێهۆشكردوەو ئاڵتونەكانیانی دزیوە.

بەڕێوەبەرایەتی پۆلیسی سلێمانی بڵاویكردەوە: دوای تۆماركردنی سكاڵای یاسایی لەلایەن ھاووڵاتییەكەوە كە لەماڵەكەی خۆیدا بێھۆشكراوەو دواتر ئاڵتونەكانی دزراوە، ھێزەكانی پۆلیس لێكۆڵینەوەو بەدواداچونەكانیان دەستپێكردو پاش وەرگرتنی بڕیاری دادوەر، توانرا تۆمەتبارێك بەناوی (ج.خ.ت) لەدایكبووی ١٩٧٠ دەستگیر بكەن و لەبەردەم دادوەردا دانی بەتاوانەكەیدا ناوە كە چەندجارێك و لەچەند ماڵێكدا ئاڵتونی دزیبوو.

رونیشیكردەوە: تۆمەتباری ناوبراو بەناوی یارمەتیدان و ھاوكارییەوە خۆی لەو ژنانە نزیككردۆتەوە كە بەتەنھا ژیاون، دواتر خاوەن ماڵەكەی بێهۆشكردوەو ئاڵتونەكانیانی دزیوە.

پۆلیسی سلێمانی راشیگەیاند: لەئێستادا تۆمەتبار بەبڕیاری دادوەرو بەپێی ماددەی ٤٤٣ راگیراوەو لێكۆڵینەوەكان لەگەڵیدا بەردەوامە.

PUKmedia 

ئەمانەش ببینە

زۆرترین خوێنراو