كۆمسیۆن سزای تێكده‌رانی بانگه‌شه‌ی ھه‌ڵبژاردن ده‌دات

كۆمسیۆنی باڵای ھه‌ڵبژاردنه‌كانی عیراق سزای تێكده‌رانی بانگه‌شه‌ی ھه‌ڵبژاردن ده‌دات، كه‌ زیندانی كردن و سزای دارایی ده‌گرێته‌وه‌.

نیبراس ئه‌بو سوده‌ جێگری وته‌بێژی ڕ‌اگه‌یاندنی كۆمسیۆنی ھه‌ڵبژاردن ده‌ڵێت، ده‌ستدرێژی و په‌لامار بۆ سه‌ر بانگه‌شه‌كان به‌ تاوان داده‌نرێت و تاوانباران ڕ‌ووبه‌ڕ‌ووی سزا ده‌بنه‌وه‌، له‌ نێو سزاكانیشدا سزای زیندانی بۆ ماوه‌ی 6 مانگ بۆ ساڵێك ھه‌یه‌، سزای داراییش له‌ دوو ملیۆن دینار كه‌متر نه‌بێت و پێنج ملیۆن دینار زیاتر نابێت.

وتیشی، له‌ زۆرینه‌ی ئه‌و شوێنانه‌ی بانگه‌شه‌ ده‌كرێت كامێرای چاودێری نییه‌، بۆیه‌ كاندیده‌كان خۆیان ده‌توانن سكاڵا به‌رز بكه‌نه‌وه‌، ڕ‌اشیگه‌یاند له‌ ھه‌ڵبژاردنی ساڵی 2018 ی ئه‌نجومه‌نی نوێنه‌رانی عیراق، چه‌ند كاندیدێك به‌ بڕ‌ی ملیارێك و 600 ملیۆن دینار سزای دارایی دراون. 

PUKmedia كۆمسیۆنی باڵای سه‌ربه‌خۆی هه‌ڵبژاردنه‌كانی عیراق