هه‌ورامان.. بنكه‌یه‌كی پێدانی ڤاكسین كرایه‌وه‌

به‌ئاماده‌بوونی ئازاد تۆفیق پارێزگاری هه‌ڵه‌بجه‌ و به‌ڕێوبه‌ری گشتی ته‌ندروستی هه‌ڵه‌بجه‌ و به‌ڕێوبه‌ری ناحیه‌ی بیاره‌ له‌ مه‌ڕاسیمێكدا بنكه‌ی پێدانی ڤاكسینی كۆڕۆنا له‌ ناحیه‌ی بیاره‌ بۆ دانیشتوانی ناوچه‌ی هه‌ورامان كرایه‌وه‌.

له‌ وته‌یه‌كدا ئازاد تۆفیق پارێزگاری هه‌ڵه‌بجه‌ سوپاس و ده‌ستخۆشی له‌ ته‌ندروستی و كارمه‌ندانی مه‌ڵبه‌ندی ته‌ندروستی بیاره‌ی كردو سوپاسی به‌ده‌مه‌وه‌چوونی خه‌ڵكی كرد كه‌ به‌ڕێژه‌یه‌كی به‌رچاو ڤاكسین وه‌رده‌گرن.

دواتر د. ئازاد مسته‌فا قادر ڕایگه‌یاند: له‌ سنووری پارێزگای هه‌ڵه‌بجه‌ زیاتر له‌ 14 هه‌زار و 730 هاووڵاتی ڤاكسینی كۆرۆنایان وه‌رگرتووه‌و ڕێژه‌كه‌ش زیاتره‌ له‌و ستاندارده‌ی ڕێكخراوی WHO دایناوه‌.

وتیشی: تا ئێستا شه‌ش بنكه‌مان كردوه‌ته‌وه‌ و ئومێد ده‌كه‌ین زۆرترین هاووڵاتی وه‌ریبگرێت بۆ ئه‌وه‌ی ئه‌و لۆده‌ زۆره‌ی له‌سه‌ر كه‌رته‌كه‌مان هه‌یه‌ كه‌متربێته‌وه‌.

PUKmedia فه‌رحان حه‌مه‌خان