ئاماری قوربانیانی زریانی ئایدا له‌ ئه‌مریكا به‌رزده‌بێته‌وه‌

ئاماری قوربانیانی زریانی ئایدا له‌ ئه‌مریكا بۆ زیاتر له‌ 44 كه‌س به‌رزبووه‌وه‌ و سه‌رۆكی ئه‌و وڵاته‌ش باری نائاسایی له‌ نیویۆرك راگه‌یاند.

میدیاكانی ئه‌مریكا بڵاویانكرده‌وه‌، به‌ھۆی ئه‌و شه‌پۆلی بارانبارین و زریانه‌ی ماوه‌ی چه‌ند رۆژێكه‌ ناوچه‌كانی باكوری خۆرھه‌ڵاتی ئه‌مریكای گرتووه‌ته‌وه‌ و به‌ زریانی ئایدا ناسراوه‌، تائێستا لانیكه‌م 44 كه‌س له‌ ویلایه‌ته‌كانی نیوجێرسی، نیویۆرك، په‌نسیلڤانیا و كۆنێتیكێت گیانیان له‌ده‌ستداوه‌.

جۆ بایدن سه‌رۆكی ئه‌مریكاش له‌ راگه‌یه‌نراوێكدا، باری نائاسایی له‌ نیویۆرك راگه‌یاند و ئاماژه‌ی به‌وه‌كرد، ئه‌گه‌رچی زریانی ئایدا یه‌كێكه‌ له‌ كاره‌ساته‌ گه‌وره‌كانی مێژووی ئه‌مریكا، به‌ڵام دڵنیایه‌ كه‌ ده‌توانن كۆنتڕۆڵی بكه‌ن.

PUKmedia ئاژانسه‌كان