بایدن ھۆشداریی ده‌دات

سه‌رۆكی ئه‌مریكا ھۆشداریی ده‌دات له‌ ئه‌گه‌ری روودانی په‌لامارێكی تری تیرۆرستی له‌ ده‌وروبه‌ری فڕۆكه‌خانه‌ی كابوڵ.

جۆ بایدن سه‌رۆكی ئه‌مریكا له‌ كۆبوونه‌وه‌یه‌كیدا له‌گه‌ڵ راوێژكارانی سه‌ربازی و ئه‌منی وڵاته‌كه‌ی رایگه‌یاند، ره‌وشه‌كه‌ له‌ ئه‌فغانستان زۆر مه‌ترسیداره‌ و فه‌رمانده‌كان پێیان راگه‌یاندووه‌ ئه‌گه‌ری په‌لامارێكی تری تیرۆرستی ھه‌یه‌ له‌ فڕۆكه‌خانه‌ی كابوڵ له‌ ماوه‌ی 24 بۆ 36 سه‌عاتی داھاتوودا.

 وتیشی: ئه‌و ھێرشه‌ی واشنتۆن كردوویه‌تی سه‌ر تیرۆرستان و كوژرانی 2 داعشی لێكه‌وته‌وه‌، كۆتا ھێرشیان نابێت. 

ئێواره‌ی پێنجشه‌ممه‌ی رابردو، دوو ته‌قینه‌وه‌ ده‌وروبه‌ری فڕۆكه‌خانه‌ی كابوڵ-ی ھه‌ژاند و زیاتر له‌ 100 كه‌س كوژران كه‌ 13 یان ئه‌مریكی بوون، گروپی خۆراسانی سه‌ر به‌ داعشیش به‌رپرسیارێتیان له‌و په‌لاماره‌ راگه‌یاند.

PUKmedia ئاژانسه‌كان