ئێران.. نزیكەی 5 ملیۆن كەس تووشی كۆرۆنا بوون

لە 24 سەعاتی ڕابردوودا زیاتر لە 31 هەزار كەس لە ئێران تووشی كۆرۆنا بوون و نزیكەی 600 تووشبووش مردوون.

وەزارەتی تەندروستی ئێران ڕایگەیاند: لە 24 سەعاتی ڕابردوودا 31 هەزار و 516 كەس تووشی كۆرۆنا بوون و 581 تووشبووش مردوون.

لەڕاگەیەنراوەكەی وەزارەتی تەندروستی ئێران هاتووە كە تا ئێستا چوار ملیۆن و 926 هەزار و 964 كەس تووشی كۆرۆنا بوون و لەوڕێژەیەش چوار ملیۆن و 146 هەزار و 742 تووشبوو چاكبوونەتەوە و 106 هەزار و 482 تووشبووش مردوون. 

وەزارەتی تەندروستی ئێران ئاماژەی بەوەشكردووە كە 305 شاری ئێران لەناو بازنەی سووری مەترسی كۆرۆنادان. 

PUKmedia ئاژانسەكانی ئێران