په‌رله‌مانی ئێران متمانه‌ی به‌ كابینه‌كه‌ی ڕه‌ئیسی به‌خشی

په‌رله‌مانی ئێران له‌كۆی 19 وه‌زیر، متمانه‌ی به‌ 18 وه‌زیری كابینه‌كه‌ی سه‌ید ئیبراهیم ڕه‌ئیسی به‌خشی و ته‌نها وه‌زیری پێشنیاركراو بۆ پۆستی وه‌زاره‌تی په‌روه‌رده‌ متمانه‌ی پێنه‌به‌خشرا.

په‌رله‌مانی ئێران دوای پێنج ڕۆژ دانیشتن و كۆبوونه‌وه‌ سه‌باره‌ت به‌ متمانه‌ به‌خشین به‌ وه‌زیرانی پێشنیاركراو، دواجار متمانه‌ی به‌ 18 وه‌زیر له‌ كۆی 19 وه‌زیر به‌خشی و ته‌نها وه‌زیری په‌روه‌رده‌ نه‌یتوانی ده‌نگی پێویست به‌ ده‌ستبهێنێت.

 به‌ پێی بڕگه‌ی 204 له‌ ماده‌ی 135 ده‌ستوری ئێران ئه‌گه‌ر وه‌زیری پێشنیاركراو نه‌یتوانی له‌ په‌رله‌مان ده‌نگ به‌ده‌ستبهێنێت سه‌رۆك كۆمار ده‌بێت له‌ماوه‌ی 3 مانگدا كه‌سێكی دیكه‌ بۆ په‌رله‌مان پێشنیار بكات بۆ ئه‌وه‌ی په‌رله‌مان ده‌نگی پێبدات.

كابینه‌كه‌ی سه‌ید ئیبراهیم ڕه‌ئیسی له‌ 19 وه‌زاره‌ت پێكهاتووه‌ كه‌ له‌ئێستادا په‌رله‌مان متمانه‌ی به‌ 18 وه‌زیر به‌خشیوه‌ و ته‌نها وه‌زاره‌تی په‌روه‌رده‌ ماوه‌ كه‌ ده‌بێت له‌سێ مانگی داهاتوودا ئه‌و وه‌زاره‌ته‌ش وه‌زیری بۆ ده‌ستنیشان بكرێت.

ناوی وه‌زیره‌كان

1- د. عیسا زارع پوور _ وه‌زیری په‌یوه‌ندییه‌كان و ته‌كنۆلۆژی زانیاری

2- سه‌ید ئیسماعیل خه‌تیب _ وه‌زیری ئیتلاعات

3-د. ئه‌حسان خاندوزی _ وه‌زیری دارایی و ئابووری

4- د. به‌هرام عه‌ینوللاهی _ وه‌زیری ته‌ندروستی

5- د. حوجه‌توڵڵا عه‌بدولمه‌لكی _ وه‌زیری كاروباری كۆمه‌ڵایه‌تی

6- د.سه‌ید جه‌واد ساداتی نه‌ژاد _ وه‌زیری كشتوكاڵ

7- د. حسێن ئه‌میر عه‌بدوڵاهیان _ وه‌زیری ده‌ره‌وه‌

8-د. ئه‌مین حسێن ڕ‌ه‌حیمی _ وه‌زیری داد

9-د. محه‌مه‌د ڕ‌ه‌زا ئاشتیانی _ وه‌زیری به‌رگری

10- ئه‌ندازیار ڕ‌ۆسته‌م قاسمی _ وه‌زیری ڕ‌ێگاوبان

11-  د. سه‌ید ڕ‌ه‌زا فاته‌می ئه‌مین _ وه‌زیری پیشه‌سازی

12-  د. محه‌مه‌د عه‌لی زولفی گوڵ _ وه‌زیری خوێندنی باڵا

13- د. محه‌مه‌د مه‌هدی ئیسماعیلی _ وه‌زیری ڕ‌ۆشنبیری

14-د. ئه‌حمه‌د وه‌حیدی _ وه‌زیری ناوخۆ

15- ئه‌ندازیار سه‌ید عیزه‌توڵڵا زه‌رغامی _ وه‌زیری گه‌شتوگوزار

16- ئه‌ندازیار جه‌واد ئه‌وجی _ وه‌زیری نه‌وت

17- ئه‌ندازیار عه‌لی ئه‌كبه‌ر مه‌حرابیان _ وه‌زیری كاره‌با

18- د. سه‌ید حه‌مید سه‌جادی هه‌زاوه _‌ وه‌زیری وه‌زرش و لاوان

PUKmedia ئاژانسه‌كان