ته‌ندروستی جیھانی: ڤاكسین كاریگه‌ری له‌سه‌ر دووگیان بوونی ژنان نییه‌

ڕێكخراوی ته‌ندروستی جیھانی ڕه‌تیده‌كاته‌وه‌، به‌كارھێنانی ڤاكسینی كۆرۆنا كاریگه‌ری له‌سه‌ر منداڵبوونی ژنان ھه‌بێت .

ئه‌مجه‌د خه‌ولی پزیشكی ڕاوێژكاری په‌تاكان له‌ ڕێكخراوی ته‌ندروستی جیھانی ڕایگه‌یاندووه‌، چه‌ندین توێژینه‌وه‌ كراوه‌ كه‌ سه‌لماندوویه‌تی ھیچ په‌یوه‌ندییه‌ك له‌ نێوان به‌كارھێنانی ڤاكسینه‌كانی كۆرۆنا و كاریگه‌ری دروست كردن له‌سه‌ر دووگیانی نییه‌.

وتیشی، سه‌دان ژن دوای وه‌رگرتنی دۆزی یه‌كه‌م یاخود دووه‌م دووگیان بوون و ھیچ كاریگه‌رییه‌كی له‌سه‌ر ته‌ندروستی منداڵ خستنه‌وه‌ نه‌كردووه‌، ئه‌و ده‌نگۆیانه‌شی ھه‌بوون ته‌نھا له‌ چوارچێوه‌ی ترساندنی خه‌ڵك و پڕۆپاگه‌نده‌دا بوون.

پسپۆڕانی تری ته‌ندروستیش وتوویانه‌، ڤاكسینه‌كان ڤایرۆسه‌كه‌یان به‌ مردوویی تێدایه‌ و ھیچ نه‌خۆشییه‌ك بۆ مرۆڤ دروست ناكه‌ن و به‌ ته‌واوی سه‌لامه‌تن.

PUKmedia ئاژانسه‌كان