فەرمانی تایبەت بۆ خوێندنگە و پەیمانگە ناحكومییەكان دەردەكرێت

پەروەردەی هەرێم لە نووسراوێكدا كە رۆژی 8-8-2021 دەرچووە و ئیمزای ئالان حەمەسەعید وەزیری پەروەردەی هەرێمی لەسەرە، چەند فەرمانێكی تایبەت بە خوێندنگە و پەیمانگە ناحكومییەكانی سەر بە وەزارەتی پەروەردەی حكومەتی هەرێمی كوردستانی دەركرد.

وەزارەتی پەروەردەی حكومەتی هەرێم لە نووسراوێكدا رایگەیاند: لەبەر بەرژەوەندی گشتی و بەدیهێنانی دادپەروەری و پاڵپشت بە یاسای ژمارە 14ی ساڵی 2012 پەیمانگا و قوتابخانە نا حكومییەكانی هەرێمی كوردستان بڕیارماندا بەوەی كە دەبیت رێژەی ئەو مامۆستایانەی لە دامەزراوەیەكی پەروەردەیی نا حكومی بەهەمیشەیی دامەزراون و میلاكی حكومی نین لە 80% ی كۆی گشتی مامۆستایانی دامەزراوەكە كەمتر نەبن و كۆمەڵگەی پەروەردەیی نا حكومی (باخچەی منداڵان-قوتابخانەی بنەڕەتی-خوێندنگەی ئامادەیی) دەبێت هەرسێ قۆناغەكە بەجیا ئەو مەرجە جێبەجێ بكەن.

PUKmedia راگەیاندتی وەزارەتی پەروەردەی حكومەتی هەرێم

دەقی نووسراوەكە: