قوباد تاڵه‌بانی سه‌ره‌خۆشی له‌ بنه‌ماڵه‌ی ئه‌رشه‌د ئه‌حمه‌د ئاغا زێباری ده‌كات

به‌بۆنه‌ی كۆچی دوایی ئه‌رشه‌د ئه‌حمه‌د ئاغا زێباری، قوباد تاڵه‌بانی جێگری سه‌رۆكی ئه‌نجومه‌نی وه‌زیران پرسه‌نامه‌یه‌ك ئاراسته‌ ده‌كات .
ئه‌مه‌ ده‌قه‌كه‌یه‌تی: 

به‌ڕێزان خێزان و خانه‌واده‌ی كۆچكردوو (ئه‌رشه‌د ئه‌حمه‌د ئاغا زێباری)

به‌داخه‌وه‌ هه‌واڵی كۆچی دوایی (ئه‌رشه‌د ئه‌حمه‌د ئاغا زێباری) سه‌رۆك عه‌شیره‌تی زێباری-مان بیست، به‌م بۆنه‌ خه‌مناكه‌وه‌ پرسه‌ و سه‌ره‌خۆشیتان ئاڕاسته‌‌ ده‌كه‌م و خۆم به‌ هاوبه‌شی خه‌متانم ده‌زانم.

ئه‌رشه‌د ئاغای كۆچكردوو سه‌رۆك عه‌شیره‌تی زێباری بوو، یه‌كێك بوو له‌و خه‌باتگێڕانه‌ی عه‌شیره‌تی زێباری كه‌رۆڵێكی كاریگه‌ریان هه‌بووه‌ له‌كایه‌ی سیاسی عێراقی و كوردستاندا، قوربانی و خه‌باتیان له‌به‌رچاوه‌.

بۆ ئه‌م خه‌مه‌ گه‌وره‌یه‌، له‌په‌روه‌ردگار ده‌پاڕێینه‌وه‌ كۆچكردوو (ئه‌رشه‌د ئه‌حمه‌د ئاغا زێباری) به‌ به‌هه‌شتی به‌رین شادبكات و سه‌بوری و دڵنه‌وایی به‌هه‌موو لایه‌ك ببه‌خشێت.

انا لله وانا الیه‌ راجعون

قوباد تاڵه‌بانی
جێگری سه‌‌رۆكی ئه‌‌نجومه‌‌نی وه‌‌زیران
PUKmedia