نرخی نه‌وت به‌رز ده‌بێته‌وه‌

دوای دابه‌زینی نرخی نه‌وت له‌ سێ ڕۆژی ڕابردوودا به‌ھۆی به‌رزبوونه‌وه‌ی قه‌باره‌ی نه‌وتی كۆگاكراوی ئه‌مریكا، ئه‌مڕۆ پێنجشه‌ممه‌ 5-8-2021، نرخی نه‌وت به‌رێژه‌یه‌كی كه‌م به‌رزبووه‌وه‌ و ھۆكاری به‌رزبوونه‌وه‌ی نرخی نه‌وت له‌ رۆژی ده‌گه‌ڕێته‌وه‌  بۆ ته‌شه‌نه‌سه‌ندنی ناكۆكییه‌كان له‌ رۆژھه‌ڵاتی ناوه‌ڕاست له‌ ھێرشه‌كانی سه‌ركه‌شتی نه‌وتی و مووشه‌ك بارانكردنی ئیسڕائیل له‌لایه‌ن لوبنانه‌وه‌ .

 ئه‌گه‌رچی بنه‌مای بازاڕی نه‌وت به‌ھۆی زیادبوونی كۆگای نه‌وتی ئه‌مریكا و ھه‌روه‌ھا نیگه‌رانی له‌ په‌ره‌سه‌ندنی جۆری ده‌لتای ڤایرۆسی كۆرۆنا لاوازه‌ و ئه‌وه‌ش بووه‌ته‌ ھۆكار بۆ ئه‌وه‌ی له‌ ماوه‌ی سێ رۆژی رابردوودا نرخی نه‌وت به‌رده‌وام دابه‌زێت.

رۆژی پێنجشه‌ممه‌ به‌رمیلێك نه‌وتی برنت 14 سه‌نت به‌رزبووه‌وه‌ به‌ 70 دۆلار و 52 سه‌نت مامه‌ڵه‌ی پێوه‌كرا، نرخی نه‌وتی سووكی ته‌كساسی ئه‌مریكاش 18 سه‌نت به‌رزبووه‌وه‌ و به‌ 68 دۆلار و 33 سه‌نت مامه‌ڵه‌ی پێوه‌كرا.

به‌پێی ئاماره‌كانی ئیداره‌ی نه‌وتی ئه‌مریكا، قه‌باره‌ی نه‌وتی كۆگاكراوی ئه‌و وڵاته‌ ھه‌فته‌ی رابردوو 3.6 ملیۆن به‌رمیل به‌رزبووه‌ته‌وه‌.

PUKmedia ئاژانسه‌كان