ئاوارە ئێزیدییەكانی كەمپی عەربەت داوای گەڕانەوەی كەسوكارەكانیان دەكەن
کوردستان 01:58 PM - 2021-08-03
ئەمڕۆ 3-8 حەوت ساڵ تێپەڕ دەبێت بەسەر تاوانی جینۆسایدكردنی قەزای شەنگال لەلایەن چەكدارانی داعشەوە، لەوكاتەوە ژمارەیەكی زۆر ئاوارە ڕوویان لە سنوری پارێزگای سلێمانی كردووە، لەگەمپی ئاشتی عەربەت نیشتەجێن.
ئەوان دوای حەوت ساڵ داوای گەڕاندنەوەی كەسوكارەكانیان دەكەن و ئاماژە بۆ ئەوەش دەكەن شەنگال لەدۆخێكی خرابدایە بۆیەناتوانن بگەڕێنەوە قەزاكەیان.
فانێ سلێمان ژنێكی ئێزیدی دانیشتووی كەمپی ئاشتسیە و ئەو دوای حەوت ساڵ ئاوارەبوون بەدڵێكی پر خەم و بەچاوی پڕ فرمێسكەوە چیرۆكی ئەو ڕۆژە باس دەكات بۆ PUKmedia دەڵێت: 3-8 ڕۆژێكی ڕەشە بۆ شەنگالییەكان، زۆربەی كەسوكار و منداڵەكانمان كوتنە دەست چەكدارانی داعش و بەشكێكی زۆریان لێ كورشتن و بەشەكەتریش كە زۆربەیان كچ و ژن بوون داعش بێ سەروشوێنی كردن.
وتیشی: ماوەی حەوت ساڵە چاومان لەوەیە كە تەلەفۆنێكمان بۆبێت و هەواڵی كچەكەمان پێبدات كە لەلایەن داعشەوە بێ سەروشوێن كراوە تاوەكو ئێستا هەواڵی نازانین، هەرچەندە ماوەی حەوت ساڵە چاومان سپی بوو هێندە گریاین و بێتاقەت بووین.
فانێ ئەوەشی وت: ئێمە لەكەمپی ئاشتی ئێستا نیشتەجێن لێرە ژیان دەكەین، هەرچەندە كەموكورتی هەیە، بەڵام ژیانمان لێرە خۆشترە و گونجاوترە هاوكاری دەكرێین.
فانێ داواش دەكات كە حكومەتی عیراق قەرەبوویان بكاتەوە چونكە ئەوان تەنها لەبەر ئاین و بیروباوڕ وایان لێ هاتووە.
عەبدوڵڵا ئیسماعیل هاوسەری فانێ سلێمانەو بۆ PUKmedia دەڵێت: زۆر زۆر بیری منداڵەكانم دەكەم بەتایبەت كچێكم كەتەمەنی 26 ساڵ بوو چەكدارانی داعش بردیان و ئێستا بێسەر و شوێنە و هیچ هەواڵێكی نییە.
وتیشی: ئێستاش كە 7ساڵ تێپەڕ دەبێت هەرچاوەڕوانم منداڵەكانم بگەڕێنەوە و پێیان شادبمەوە، چۆن دەبێت من ئەوان لەبیركەم، كە ئەوان جەرگ و گیانی من بوون.
عەبدوڵڵا بەچاوی پڕ فرمێسكەوە دەڵێت، پێویستە هەموو لایەك هەوڵبدەن تاوەكو كچ و ژنەكانمان بۆ بدۆزنەوە سۆراغیان بكەن، داواش لە حكومەتی عێراق دەكات كە قەرەبووی مادی و مەعنەویان بكات تاوەكو بگەڕێنەوە ناوچەكانی خۆیان.
عەبدوڵڵا دەڵێت: دۆخی ئێستای شەنگال باش نییە بۆیە ناگەڕێینەوە، پێویستە بەهەموولایەك هەوڵبدرێت قەزای شەنگال دوبارە ئاوەدان بكرێتەوە.
لای خۆشییەوە پەخشان تۆفیق بەڕێوەبەری كەمپی ئاشتی لە ناحیەی عەربەت بە PUKmedia ی ڕاگەیاند: لەەمپەكەدا 1هەزار و 826 خێزان لە كەمبەكەدا نیشتەجێن، لەو ژمارەیەش 151خێزانیان ئێزیدین.
وتیشی: خێزانە ئێزیدیەكان ڕێژەیەكی زۆر كەمیان گەڕاونەتەوە ناوچەكانی خۆیان، لەمانگی 7 ڕابردوو هیچ خێزانێك نەگەراوەتەوە شەنگال، چونكە پێیان وایە دۆخی ناوچەكەیان خرابە، بۆ ژیانكردن ناگونجێت.
PUKmedia جەمال سەرگەتی
فۆتۆ.. شاد ئیبراهیم
هەواڵی زیاتر
-
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
02:20 PM - 2024-04-18
ئەمانەش ببینە
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
05:05 PM - 2024-04-18
زۆرترین خوێنراو
-
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
کوردستان 08:31 PM - 2024-04-18