ئەڵمانیا.. كۆنترین پارچەی هونەری مرۆڤی نیاندرتاڵ دۆزرایەوە

.

دوێنی 6-7-2021، شارەزاو زانا كۆمەڵناسەكانی ئەڵمانیا لەئەشكەوتی " ئینهۆرن" لە ناوەڕاستی وڵاتەكەیاندا پارچە ئێسقانێكی زۆر كۆنی ئاسكێكیان دۆزیەوە كە هێلكاری و نیگارێكی ئەندازەیی ئاڵۆز و سەرسوڕهێنەری لەسەر نەخشێنراوە.

 ئەو زاناینە میژووی ئەو پارچە ئێسقانە كە هونەری شێوەكاری لەسەرە مێژوەكەی بۆ 51 هەزار ساڵ لەمەوبەر دەگەڕێننەوە، ئەم پارچە شوێنەوارە بە كۆنترین نموونەی هونەری شیوەكاری دەژمێردرێت لای مرۆڤی نیاندرتاڵ.

بەرلەم دۆزینەوەیە شارەزایانی مێژوو هونەری شێوەكاری مرۆڤی نیاندرتاڵیان دەگەڕانەدەوە بۆ سەردەمێكی زۆر زووتر لەم مێژوە وبەسەدان ساڵ بەرلە هاتنی مرۆڤی عاقڵ Homo Sapiens یان هەژماردەكرد ، بەڵام لەمساڵانەی دواییدا دەركەوت كە مرۆڤی نیاندرتاڵ هونەری زانیوەو لەژیانی ڕۆژانەدا بەرجەستەیان كردوە. 

PUKmedia   بورهان ئەمین-ئەڵمانیا

سەرچاوە.. گۆڤاری Nature Ecology & Evoluttion