ئەڵمانیا.. سەنتەرێك بۆ بەشداری ژنان لەچالاكی ئاشتیدا دەكرێتەوە

.

باڵیۆزخانەی ئەڵمانیا لەعیراق ئەمڕۆ 16ی 5ی 2021  رایگەیاند: هایكۆ ماس وەزیری دەرەوەی ئەڵمانیاو نادیە موراد، ژنە چالاكوانی ئێزدی و خاوەنی خەڵاتی نۆبڵ بۆ ئاشتی سەنتەرێكیان لەئەكادیمیای دپلۆماسی لەبەرلین تیگل بەناونیشانی (ژن و ئاشتی و ئاسایش)كردەوە.

بەگوێرەی راگەیەنراوێك، لەكاتی بەڕێوەچوونی كردنەوەی بینای سەنتەرەكە كەبەهەمان ئەو ناونیشانەیە كە بڕیاری ئەنجومەنی ئاسایشی نێودەوڵەتی ژمارە 1325ی پێدەرچوو بەناوی (ژن و ئاشتی و ئاسایش) لەئەكادیمیای دیپلۆماسی كە بریتین لەژمارەیەك كارمەندی تازە پێگەیشتوو لەوەزارەتی دەرەوەی ئەڵمانیا لەشاری بەرلین تیگل، ماس جەختیكردەوە لەسەر رۆڵی ناوەندی ژنان لەبەشداریكردنی چالاكانەیان لەپرۆسەی ئاشتیدا.

ماس جەختیشی لەگرنگی مافەكانی كچان و ژنان لەسەرانسەری جیهاندا كردەوەو راشیگەیاند: مافەكانی مرۆڤ بەردەوام پێشێڵا دەكرێت، بۆیە لەمەودای دووردا، سەقامگیری سیاسیی دروست نابێت.

وەزیرەكەی دەرەوەی ئەڵمانیا وتیشی: رێزگرتن لەمافی كچان و ژنان ئاماژەیەكی تەواو ناوەندییە، ئەمە هۆكارێك بوو بۆئەوەی بەرنامەی كارەكانی (ژن و ئاشتی و ئاسایش) رەگەزی سەرەكی سیاسەتی دەرەوەی ئەڵمانیا بێت لەمساڵانەی دواییدا.

هایكۆ ماس ئاماژەشیدا كە ئامانجەكانی خشتەی كاری ئەنجومەنی ئاسایشی سەر بەنەتەوە یەكگرتووەكان كە بەناونیشانی (ژن و ئاشتی و ئاسایش)ەو جەخت لەسەر گرنگی رۆڵی ژنان دەكاتەوە لەپرۆسی ئاشتی، بەشێكی دانەبڕاوە لەو مەشقەی لەسەرجەم پسپۆڕییەكان لەئەكادیمیەكەدا بەڕێوەدەچێت.

PUKmedia ئاژانسەكان