به‌شێوه‌یه‌كی جیاواز داوا له‌هاووڵاتیان ده‌كرێت بچن ڤاكسین به‌كاربهێنن

.

به‌ئاماده‌بوونی به‌ڕێوه‌به‌ری گشتی ته‌ندروستی گه‌رمیان و قائیمقام و به‌ سه‌رپه‌رشتی ڕێـكخـراوی ڕه‌نـگ بـۆ گه‌شه‌پێدان و ڕۆشنبیری و به‌هاوبه‌شی گروپی كیژانی شێوه‌كاری كفری كه‌مپینی (به‌پیره‌وه‌چوونی ڤاكسینی كۆرۆنا ) به‌مه‌به‌ستی ڕووبه‌ڕوو بوونه‌وه‌ی په‌تاكه‌، چالاكییه‌كی هونه‌ری شێوه‌كاری ئه‌نجامدرا.

چالاكییه‌كه‌ له‌مه‌ڵبه‌ندی ته‌ندروستی سه‌ره‌كی كفری ئه‌نجامدراو له‌م باره‌یه‌وه‌ گوڵاڵه‌ حه‌مید سه‌رۆكی گروپی كیژانی شێوه‌كاری تایبه‌ت به‌ PUKmediaی راگه‌یاند: ئامانجی سه‌ره‌كی كاره‌كه‌مان بڵاوكردنه‌وه‌ی هۆشیاری زیاتره‌ بۆ به‌شداری له‌هه‌ڵمه‌تی كوتانی ڤاكسینه‌كه‌ و ئه‌م هه‌نگاوه‌ یه‌كه‌مجاره‌ له‌سه‌ر ئاستی عیراق ئه‌نجامده‌درێت.

وتیشی: بڕیاره‌ له‌رۆژانی داهاتوودا هه‌مان پڕۆژه‌ له‌شوێنه‌كانی دیكه‌ ئه‌نجام بده‌ین.

PUKmedia حه‌یده‌ر زه‌نگه‌نه‌