ژنێكی كورد بڕوانامە لە ئەكادیمیای سەربازی شاھانەی بەریتانیا وەردەگرێت

.

یەكەم ژنە پێشمەرگەی كورد بڕوانامەی دەرچوونی لە ئەكادیمیای سەربازی شاھانەی بەریتانیا وەرگرت.

ئەمڕۆ كونسوڵگەری گشتی بەریتانیا لە هەولێر، لە پەڕەی تایبەتی خۆی لە فەیسبووك، پیرۆزبایی لە میدیا مەستی ئە ژنە پێشمەرگەیەی كورد دەكات و چەند وێنەیەكیشی بڵاوكردەوە.

كونسوڵگەری گشتی بەریتانیا لە هەولێر نوسیوێتی: پیرۆزبایی لە ئەفسەری پێشمەرگە میدیا مەستی دەكەین كە یەكەم خانمی كوردستانی عیراقە لە ئەكادیمیای سەربازی شاھانەی بەریتانیا بڕوانامەی دەرچوون وەربگرێت.

هاوكات شەوی رابردووش 2-4-2021، سوپای بەریتانیا لە وێبسایتی رەسمی خۆی هەواڵەكەی بڵاوكردۆتەوە و باسی لە كارو چالاكییەكانی پێشتری ئەو ژنە پێشمەرگەیە كردووە.  

PUKmedia تایبەت