هەڵەبجە..پانێڵی جیاكاری جێندەری لە میدیای كوردیدا بەڕێوەدەچێت

.

بەشی راگەیاندنی كۆلێجی زانستە مرۆڤایەتییەكانی زانكۆی هەڵەبجە، بەبۆنەی رۆژی جیهانی ژنانەوە، پانێڵێكی رەخنەیی هاوبەشی لەژێر ناونیشانی جیاكاری جێندەری و رەنگدانەوەی لە میدیای كوردیدا بۆ ژمارەیەك لە مامۆستایانی زانكۆ رێكخست.

د. هەتاو حەمەسەعید سەرۆكی بەشی راگەیاندن لە زانكۆی هەڵەبجە لەلێدوانێكدا بە PUKmedia ی راگەیاند: پانێڵەكە بەهاوەشی لەگەڵ رێكخراوی چاودێری میدیای كوردی رێكمانخستووە، تیدا لەڕووی جێدەریەوە، باس لە ڕۆڵی میدیا و ئەركەكانی دەكرێت لە ڕووی جێندەریەوە.

وتیشی: كەم و كورتی گەورە هەیە لەڕووی جێندەریەوە لە میدیای كوردی لە كاتی پێشكەش كردنی بەرهەم و بەكارخستنی تواناكاندا، ئەوەندەی ژن وەك كاڵا بەكارهێنراوە، ئەوەندە لە تواناكانی  لەڕووی ئیداری و كارامەیی نەكۆڵراوەتەوە.

PUKmedia  فەرحان حەمەخان-هەڵەبجە