بۆردی په‌یوه‌ندییه‌كانی ده‌ره‌وه‌ به‌شداری له‌ بانگه‌شه‌و پشتیوانی دیجیتاڵی، دیجیتاڵ ئه‌دڤۆكه‌یسی كرد

.

ئه‌مڕۆ 5-12-2020، له‌ ڕێگه‌ی ڤیدیۆ كۆنفرانسه‌وه‌ به‌شی یه‌كه‌می خولی بانگه‌شه‌ و پشتیوانی دیجیتاڵی (دیجیتاڵ ئه‌دڤۆكه‌یسی ) ده‌ستی پێ كرد كه‌ چوار به‌شه‌ و به‌رده‌وامی ده‌بێت ،  له‌ چوارچێوه‌ی كاری پرۆژه‌هاوبه‌شه‌كانه‌ كه‌ حزبه‌كانی ئه‌ندام له‌ ڕێكخراوه‌كانی  سۆسیالیست ئنته‌رناسێونال و هاوپه‌یمانی پێشكه‌وتوخواز تیادا به‌شدارن ، كه‌ له‌ لایه‌ن سه‌نته‌ری ئۆلف پالمه‌ خوله‌كه‌ به‌ڕێوه‌ ده‌چێت و سه‌رپه‌رشتیاره‌ وه‌ك ئۆرگانێكی سۆسیال دیموكراتی سوید،  هه‌روه‌ها سه‌ركه‌وت محمه‌د غه‌فوور به‌رپرسی بۆردی په‌یوه‌ندییه‌كانی ده‌ره‌وه‌ی یه‌كێتی نیشتمانی كوردستان وه‌ك ڕێكخه‌رو سه‌رپه‌رشتیار و هه‌ڤاڵ سه‌میر ئه‌مین نوێنه‌ری یه‌كێتی نیشتمانی كوردستان  له‌ سوید وه‌ك سه‌رپه‌رشتیار به‌شدار بوون .

ته‌وه‌ری سه‌ره‌كی گفتوگۆكان بانگه‌شه‌ و پشتیوانی دیجیتاڵی له‌ ڕێگای ته‌كنه‌لۆژیای دیجیتاڵیه‌وه‌  كه‌ ئامراز و كه‌ره‌ستی مۆدێرنن و له‌ ئێستا و له‌ ئاینده‌شدا ده‌بن به‌به‌شێكی  سه‌ره‌كی له‌ دروستكردنی په‌یوه‌ندیی نێوان هاوڵاتی ، كۆمه‌ڵگا ، ڕێكخراوه‌كان وحزب و حكومه‌ت و چۆنێتی ئالوگۆڕكردنی بیروباوه‌ڕ و زانیاری و گه‌یاندنی په‌یام و داخوازی بۆ گۆڕانكاری و باشتركردنی بارودۆخی سیاسی و دیموكراسی و مافی مرۆڤ و زیاتر لێكتێگه‌شتن و سود وه‌رگرتن له‌ ئه‌زموونی ناوخۆیی و ده‌ره‌كی.

PUKmedia