حزب ببێتە حزبی خێزانەکان
بیروڕا 10:09 AM - 2024-02-06
ستران عەبدوڵڵا
ئەگەر حزب ببێتە حزبی خێزانەکان سەرەتایەکی نوێ دەبێت بۆ بوژاندنەوە و حزبایەتییەکی درێژ خایەن.
ئەم مانایە نابێ وا لێكبدرێتەوە کە مەبەست لێی حزبی بنەماڵە بێت. مەبەست لە حزبی خێزانەکان هەر بەو مانایەش نییە وەک بڵێی ئیئتیلافی خێزانەکان و فیدراسیۆنی خێزانەکان بێت . ئەوە باسێکی قوڵترە و پەیوەندی بە لێکۆڵینەوە لە سۆسیۆلۆژیای سیاسی و گەشەی رەوتی حزبایەتییەوە هەیە و لە توانای نووسەری ئەم زنجیرە نوسینە کورتەدا نییە.
لێرە باسی دیوی فەرامۆشکراوی ئەرکی هەڤاڵ و کادری حزبی دەکەم لە بەرامبەر حزبەکەی، هەڤاڵ چۆن دەبێ بازنەی خێزانی خۆی لە دەرەوەی بازنە گەورەکەی حزبایەتی جێبهێڵێت.
هەر هەڤاڵ و کادیرێکی حزب سەرکردە و ڕێبەرە لە بازنەی هەیکەلی ڕێکخراویی خۆیدا. ئێ باشە ڕێبەرایەتییەک چۆن سەرکەوتوو دەبێ ئەگەر قەناعەتی سیاسی و حزبی و فیکری بە نزیکترین کەسەکانی خۆی نەکات؟
هەڤاڵ کاک و هەڤاڵی خانم ئەگەر هاوسەری خۆی، کچ و کوڕانی خۆی، خزم و دراوسێی خۆی قەناعەت پێ نەکات کە لایەنگر و دەنگدەر و تیمی هاندانی حزبەکەی بن ، لە هەڵبژاردنی دیموکراسی و لە لێقەومانی سیاسیدا ، ئیتر چۆن ڕێبەرێكی لێدەردەچێت لە ئاستی بەرزتر و بازنەیەکی فراوانتردا؟
کادیری حزب و هەڤاڵی چالاکی حزب خاوەن پەیام و پەیامبەری گەیاندنی پەیامی نیشتمانی و نەتەوەیی و دیموکراسی حزبەکەیەتی ، جا ئەگەر ئەڵقەی ڕۆشنبیری و سەری گفتوگۆ لەگەڵ خێزانی خۆی، یان لەگەڵ کچ و کوڕی خۆی دانەمەزرێنێ و پێیانەوە هیلاک نەبێ و سەبری حزبی خۆی بەوان تاقی نەکاتەوە ئیتر چۆن ئەرکی حەریفانەی حزبی پێ بسپێردرێت لە تاقیکردنەوەی فراوانتردا؟
چۆن باوەڕ بکەین کە ئەوە تاکەکان دێنێتە ناو حزبەوە و نوێبوونەوە دەکات کە نەتوانێ کوڕ و کچی خۆی و نەوەکانی خێزانی خۆی بێنێتە ڕیزی تێکۆشانی سیاسییەوە؟
جا ئێمە لێرە قسە لەسەر حزبایەتی دەکەین، نەک ئازادی و فەردانییەت و مافی جیاوازی کە ئەوانە پرەنسیبی گەوهەرین بۆ کۆمەڵەکەمان، بەڵام داخۆ ئێمە تاقیمان کردۆتەوە ئەگەر ئەندامانی خێزانەکەمان بانگهێشتی حزبایەتی بکەین بە بیانووی دەعیەی بوژوازی و فەردانییەت و ئەم شتە بە باق و بریقانە ڕەتیدەکەنەوە؟
ئێمە بە خۆمان نەزانیوە لەوانەیە کچ و کور و هاوسەر و هاوڕێی ژیانمان ئەگەر بۆ ناسینی زیاتری ئێمە و نزیکایەتی زیاتریشیان لە ئێمە حەز بکەن لەم خەمە حزبییە نیشتمانییەش شەریکمان بن. بۆ بانگیان ناکەین؟ ئەگەر ئەرکەکە خۆش و دیموکراسی و شەرەفی نیشتمانییە بۆ ئەوانی لێ مەحروم دەکەین؟ ئەگەریش هیلاکی و ناخۆشییە بۆ گەرەکمانە هەر دەور و بێگانانەی دەرەوەی خێزانی خۆمان ئەزێتی پێوە بکێشین؟
ئەگەر حزبایەتی لە دژواری و تەنگانەی نیشتمانیدا ناخۆش و تاقەتپروکێنە با لە نزیکەکانی خۆمانەوە دەست پێ بکەین و ئەگەریش ئەو حزبایەتییە لە فەرەحنایی و و سەڵتەنەتی حوکمڕانی و ئاسایی ژیانی دیموکراسیدایە بۆ دەبێ ئەرکەکە لە کەسوکاری خۆمان دوور بخەینەوە و ئەوانی تێدا بن لە ئیمتیاز و بەرەکەتەکانی کەچی لە هیلاکی سیاسی دووریان بخەینەوە یان بێ پرس بڕیاری دوورخستنەوەیان بدەین ؟
هەڤاڵینە وەرنە سەر خەتی گفتوگۆی هەڤاڵانە لەسەر ئەم بابەتەش.
PUKMEDIA
هەواڵی زیاتر
-
تیرۆرستێک دەستگیردەکرێت
11:39 PM - 2024-05-06 -
دوو ئەمیر و 5 تیرۆریست لەسلێمانی و هەڵەبجە دەستگیرکران
09:20 PM - 2024-05-06 -
شاڵاو کۆسرەت رەسوڵ: مامۆستایانی ئایینی رۆڵیان لەپێگەیاندنی نەوەکاندا هەیە
06:19 PM - 2024-05-06 -
ئامادەکارییەکان بۆ هەڵبژاردن لە هەولێر بەردەوامە
04:57 PM - 2024-05-06
زۆرترین خوێنراو
-
شاڵاو کۆسرەت رەسوڵ: مامۆستایانی ئایینی رۆڵیان لەپێگەیاندنی نەوەکاندا هەیە
کوردستان 06:19 PM - 2024-05-06 -
ئامادەکارییەکان بۆ هەڵبژاردن لە هەولێر بەردەوامە
کوردستان 04:57 PM - 2024-05-06 -
گومان بەسەر ئاگرەكەی قەیسەریدا زاڵ دەبێت
کوردستان 03:40 PM - 2024-05-06 -
مەکتەبی سکرتارییەت: سامان گەرمیانی وەک قارەمانێک بەشێک بووە لە سەرکەوتنەکان
ی ن ک 01:43 PM - 2024-05-06 -
کۆمسیۆن دەستیکرد بە چاپکردنی وەرەقەی دەنگدان
کوردستان 01:11 PM - 2024-05-06 -
بایەخی سەردانی سەرۆك بافڵ بۆ ئەمریكا
بیروڕا 12:31 PM - 2024-05-06 -
ئاگر زیانی ملیۆنان دۆلار لە كاسبكارانی هەولێر دەدات
کوردستان 12:17 PM - 2024-05-06 -
وەزیری کشتوکاڵ: وەک پارێزگاکانی دیکەی عیراق گەنمی جوتیارانی هەرێم وەردەگیرێت
کوردستان 11:14 PM - 2024-05-05