riklam

بافڵ تاڵەبانی فریاد رەسەکەی باشور

بیروڕا 03:33 PM - 2023-10-10
رێبوار محمد ئەمین

رێبوار محمد ئەمین

رێبوار محمد ئەمین*

بافڵ تاڵەبانی فریاد رەسەکەی باشور لە کارەساتی هاوشێوەی ئیسرائیل

ئەوەی ئەم سێ ڕۆژە لە ئیسرائیل و غەزە ڕویدا دەبوایە لەساڵی ٢٠٢٢ بەسەرهەرێمی کوردستان بهاتایە لەلایەن هەردوو وڵاتی ئێران و ڕوسیاوە، بەڵام سەرۆکی یەکێتیی نیشتمانیی کوردستان بەهەست کردن بە مەترسی هەناردەی غازی هەرێمی کوردستان و لێکەوتەکانی ڕایگەیاند مەگەر بۆری غازی بەسەر لاشەی مندا بڕوات و ناهێڵم.

ئەم هەڵوێستە جوامێرانەی بەڕێز بافڵ تاڵەبانی باشوری کوردستانی  لەهاوشێوەی کارەساتی ئیسرائیل ڕزگارکرد.

 

توێژەر د.ئەنعام کاکەیی لەتوێژینەوەیەکیدا لەژێرناونیشانی غازو نەوتی هەرێمی و کوردستان وکارەکتەری هەرێمی ونێودەوڵەتیەکاندا دەڵێت: هەرکات هەرێمی کوردستان بیر لەهەناردەی غازبکات بۆ دەرەوە ئێران وڕوسیا دێنە سەرخەت و ناهێڵن دژی هەرێمی کوردستان ڕادەوەستن.

 

بەندە لە وانەیەكدا بۆ لێپرسراوی کۆمیتەکان و ئەفسەرەکانی هێزەکانی ٧٠ لە ڕێکەوتی ٣١/١/٢٠٢٢ کەلەلایەن سەکۆی ئەکادیمیای کادیرانی یەکێتی ڕێکخرابوو ئەم مەترسیەم بۆ ئامادەبووان باسکرد، بەڵام پێشبینیم نەدەکرد وا زوو ڕووبدات کە  پانزە ڕۆژ دوای ئەوە دادگای فیدراڵی لە ١٥/٢/٢٠٢٢ بڕیاری هەڵوەشاندنەوەی یاسای نەوت و گازی هەرێمی کوردستانی دەرکردو گرێبەستە نەوتیەکانی بەنادەستوری ناساند، ئامانجی ئەم بڕیارە ڕێگریی بوو لە ئەنجامدانی گرێبەستی هەناردەکردنی غازی هەرێمی کوردستان بۆدەرەوە بوو.

 

زنجیرەیەک هێرشی موشەکی بۆسەرهەولێرو کێڵگەی غازی کۆرمۆر دەستی پێکرد، لەهەمان کات وەزارەتی نەوتی عیراقیش ئەوەی پێیکرا دژی هەرێم کردی.
ڕزگار بوونی باشوری کوردستان لەکارەساتی هاوشێوەی ئەم سێ ڕۆژەی ئیسرائیل و ڕۆژانی داهاتوو ئەوهەڵوێستە جوامێرانەی سەرۆک بافڵ تاڵەبانی بوو کەهەموومانی ڕزگار کردو بەکەمترین زیان  لە هێرشەکانی ڕوسیاو ئێران ڕزگارمان بوو.

هاوکات ڕوسیا هەڕەشەی ڕاستەوخۆی دا بە یەکێتی وپارتی و ئاگاداری کردنەوە لەکارێکی وەها، چونکە ئێران وڕوسیا غازی کوردستانیان بەجێگرەوەی غازی خۆیان دەزانی بۆ تورکیاو ئەوروپا.

هۆکاری پشت ئەم ڕوداوەی ئیسرائیل چیبوو؟
هۆکاری سەرەکی هێرشەکانی سەر ئیسرائیل ئەوەیە کە ئیسرائیل لەهەوڵی ئەوەدابوو بەهۆی هەناردەکردنی غاز بەرەو ئەوروپا وەک ڕێڕەوێک و پڕکردنەوەو جێگرتنەوەی غازی ڕوسی غاز هەناردە بکات .

ڕوسیاو ئێران وەک تۆڵەکردنەوە لە ئیسرائیل لەڕێگەی حەماسەوە بەپێدانی چەک وچۆڵ و پشتیوانی کارەساتێکی مێژووییان بەسەر ئیسرائیل هێنا و یەکەم جارە ڕوداوی وا ڕوبدات وەئایندە وەڵامی لێکەوتەکانی تری دەداتەوەو چی گۆڕانکاری دروست دەکات؟

لەکۆتاییدا دەڵێم بریا سەرکردایەتی بڕیاربەدەستی کورد لەبڕیارەکانی هەناردەی نەوت وئابوری سەربەخۆو ریفراندۆمدا بەهەمان شێوە بیریان بکردایەتەوەو لەئایندەش هەمان ڕێچکە بگرنە بەر بۆبڕیارە هەستیارو گرنگەکان.
تێبینی :نوسینی ئەم بابەتەم دورە لەپیاهەڵدان، بەڵکو ڕاستیەکە دەبێت دەستخۆشی لێبکرێت و بڕیار بەدەستان هانبدەین بۆ ئەوەی بەخوێن و جەستەی خۆیان بەرگریی لەپاراستنی نەتەوەو نیشتمانەکەیان بکەن.

*مافناس و پسپۆڕی وزە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket