riklam

سلێمانی دەستەمۆ ناکرێت

بیروڕا 09:36 PM - 2023-09-24
محەمەد ئەمین پێنجوێنی

محەمەد ئەمین پێنجوێنی

محەمەد ئەمین پێنجوێنی

هەڕەشەکانی وەزیری بەرگری تورکیا.
بەگۆێرەی ئەو لێدوانەی وەزیری بەرگری دەوڵەتی تورکیا کەلە سۆشیالمیدیاکانەوە بڵاوکراوەتەوە جەنابی وەزیر هەڕەشەی توند لەسلێمانی و بافڵ تاڵەبانی دەکات، ئەگەر واز لەهاوکاری پە*کە*کە نەهێنن  هێرشی ئاسمانی ئەنجام دەدات . بەمەش وادیارە هەموو پرۆتۆکۆلات  و پرێنسیپ و پەیوەندییە نێودەوڵەتیەکان پێشێل دەکرێت. 
جەنابی وەزیر سلێمانی شارێکی یاخی و کۆڵنەدەرە، ئەم شارە ملی بۆ دەوڵەتی عوسمانی و چەندەها والیە یەك لەدوایەکانی بەغدای عوسمانی شۆڕ نەکرد، ئەوەش بزانە کاتێك لەشکری ئینکیشاری هێرشی کردەسەر ئیماراتی بابان، ئیبراهیم پاشا هەتا دوا گولە تۆپ بەرگری کرد، مامەیارەی تۆپچی لەشکری بابانیش دوا گولە تۆپی تەقاند، دوا فیشەکی دەمانچەکەشی نا بەخۆیەوە، وتی:" مردن شەریفترە لە تەسلیمبون ..!". 

شێخ مەحمودی حەفید بەرەنگاری سوپای ئینگلیز بوەوە هەتا بە برینداری کەوتە دەست دوژمن وتی:" من تەسلیم نەبوم، بە برینداری گیراوم" .

ساڵی نەوەدەکان، بەندە لە خزمەتی مام جەلال دا بوم لەدەباشان، شاندێکی وەزارەتی بەرگری کەپێكهاتبون لە چەند ژەنەراڵێکی گەورە بەسەرۆکایەتی جێگری سەرۆکی ئەرکان، داوایان لە مام جەلال کردو  وتیان:" سەرانی پە*کە*کە لەم ناوەن، ئەبێ بیانگرن و تەسلیمیان بکەن"، مام جەلال بەزمانێکی دیپلۆماسی نەرم وەڵامی دانەوەو وتی:" ئێوە بەم سوپا زەبەلاحەی کە هەتانەو بەم هەموو دەزگا هەواڵگری و سەربازیەی هەتانە، ناتوانن بیانگرن، ئێستا ئێمە چۆن ئەوانەمان پێ ئەگیرێت"، ژەنەراڵەکان بەلوت بەرزیەوە وتیان:" ئەبێ بیانگرن و لێرە تەسلیمیان بکەن، مام جەلالیش توڕە بوو، وتی :" یەك پشیلەشتان تەسلیم ناکەم" .

 ئیتر ئەمەبوە جێگەی کۆمێند و نوکتەی میدیا ئەوروپیەکان، چونکە ئەوان تەلەفزێۆنی سی ئێن ئێنی تورکیان لەگەڵ بوو، کە بەزمانی ئینگلیزی پەخش دەکات 
جەنابی وەزیر، بافڵ کوڕی مام جەلال-ەو  زۆریش توڕەیە ..!  کچەزای ئیبراهیم ئەحمەد-یشە  کە ئەڵێت:
نەعارەبم نەئێرانی
نەتورکێکی شاغستانی 
هەر کوردم و کوردستانی. 

سلێمانی تەسلیم نابێت، چونکە شاری ئیبراهیم پاشای بابان و مەلیك مەحمودو مام جەلالە
تێبینی 
ئەم هەڕەشانە لەم ڕۆژەدا بۆ ئەوەیە کە هەوڵ بدەن کۆنگرەکەی یەکێتی سەرکەتو نەبێت

 

PUKMEDIA

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket