riklam

خۆلێگۆڕان

بیروڕا 08:03 PM - 2023-03-29
ستران عەبدوڵڵا

ستران عەبدوڵڵا

ستران عەبدوڵڵا

خۆڵێگۆڕان لە سیاقی خۆیدا دەتوانێ مانایەكی بە ناوەڕۆكی تەقەموس بدات. تەقەموس بە مانای ئەوەی خۆت بە شتێك بزانیت كە مەرج نییە وا بێت. وەك ئەوەی پێم وابێت باشترین نووسەری كوردم بە جۆرێك ئەگەر یەكێك قسەی بە نووسینی كوردی كرد بێمە جواب و وابزانم مەخسەدی زاتی خۆمە، چونكە خەیاڵە وەهمییەكەم سێبەری  مەزنی بۆ دروست كردوم.

لە نموونەی تردا كەس ناوێرێ قسەیەك لەسەر ئەزموونی كوردستان بكات و رەخنەیەكی لێ بگرێت جەماعەت پێی سەغڵەت دەبن و بە جنێوی نەشیاوی جەنگی مەغلوبەی سێبەرەكانیان، كە لە پارە و پاوەری حەرام تەمویلی دەكەن، چی نەشێ و نەكرێ پێی دەڵێن و پێی دەكەن، وەك بڵێی خەڵكی كوردستان كرێچی نیشتمانی ئەوان بێت و سەهمێكی لەم ئەزموونە نەبێت، قوربانییەكی بۆ نەدابێت باوەك ئەوانیش لە نەوت و جەوتی بەهرەمەند نەبێت .
ئەگەر قسە لەسەر خاوەندارێتی بێت شەهیدەكانی شۆرشی نوێ و یەكێتی، رەنج و فرمێسكی گەلەكەمان خاوەندارێتی   راستەقینەی هەموو تەلارە بەرزەكانی ئەزموونی حكومەت و پەرلەمان و دەسكەوتەكانی تر دەكەن و كەس وەكو  یەكێتی زەحمەتی لەگەڵ نەكێشاوە. ئەمڕۆش كە رەخنە دەگرن و دڵیان بۆی دێشێ هی ئەوەیە چونكە خۆسەپێنەكانی زۆرینەی بەسەرداكەوتوو خراپی ئیدارە دەدەن، خستویانەتە لێواری چەوتی و رێی جادەی خۆڵ، دۆست و نەیاریان ڵێ تێگەیاندوین.

بەڕێزان… دوو رەخنەی دڵسۆزانە و كەمێك دەردە دڵی مووچەخۆرێكی مووچە دواكەوتوو حكومەت ناڕوخێنێ و كەسیش با خۆی سەغڵەت نەكات وا بزانێ كوردستان موڵكی ئەوانە و تاپۆیان كردووە ئاخر قسە لەسەر كوردستان مەرج نییە هەر ئەوان بگرێتەوە. كوردستان هی باو و باپیرانی هەموو گەلی كوردستانە با ئێستا سەنوییەكەی دەستكاری كرابێت.

ئەم خۆلێگۆڕینەتان  جوان نییە و تووشی ئیشتباهی كردوون. ئێوە هەر بەرپرسن لە كەموكوڕییەكان، بەڵام كۆی ئەزموونەكە هی كۆمەڵانی خەڵكە، هی خوێنی شەهیدەكان و رەنجی فەرهادی گەلەكەمانە و هەر خۆشیان دەیپارێزن ئەگەر (كەتنەكانتان )بهێڵێت.

PUKMEDIA


زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket