هەشتی مارس و پرسێن هەنوكەیی دەربارێ ژنان
بیروڕا 10:03 PM - 2023-03-08
ل گورەی رۆڵێ كاریگەرێ ژنێ دناڤ هەموو جڤاكاندا پێدڤییە مافێن ئارامی و گەشەپێدان و خۆ پێشخستنێ ژێرا بهێنە دابینكرن، ژبەركو دڤی سەردەمیدا ژن یا بووییە پیشەكار و ماموستا و پەروەردەكار و سیاسەتمەدار و نوژدار و ... هتد و فشار و پراوێزخستنا ب درێژاهیا ساڵ و چەرخان ل دژی وێ هاتییە كرن نە بوونە ئەگەر ئیرادا وێ بشكێنیت، بەلكو بەروڤاژی وێ چەندێ ژن شیا هێلا زاڵبوونا زەلامی ببەزینیت و ببیتە ژمارە و هێز و فاكتەر دسەرجەم جومگە و بیاڤێن ژیانێدا و د پڕانیا بیاڤ و بازناندا زۆر بسەركەفتی تر بوو ژ زەلامی.
بۆ ئێكەم جار ل ساڵا 1975 رۆژا جیهانییا ژنان هاتە ساخكرن كو ب فەرمی ژلایێ نەتەوێن ئێكگرتی ڤە بڕیار ل سەر ڤێ رۆژێ هاتبوو دان كو ساڵانە ل هەشتی مارس ئەو رۆژە بهێتە ساخكرن، وەكو ئاماژەیەك بۆ خۆپێشاندانا هەشتی مارس یا ساڵا 1908 ل ویلایەتا نیویورك كو تێدا داخوازا كێمكرنا دەمژمێر و زێدەكرنا كریا كاری هاتبوو كرن، ئێدی هەشتی مارس بۆ سیمبۆلا ساخكرنا وێ رۆژێ و بدەستڤە ئینانا مافێن ژنان و بنبڕكرنا جوداكاریێن جێندەری.
• ب درێژاهیا ساڵ و چەرخا ژنان سەلماندیە كو ئەو بەشێ گرنگ و شەنگستێ سەرەكی نە بۆ بڕیارێن ئاڤاكرن و ئارامی و پێكڤە ژیانێ ل سەر ئاستێ جیهانێ بگشتی، بەروڤاژی وێ چەندێ دكێمترین حالەتاندا ژنێ ل سەر هەر ئاستەكی بیت بڕیارێن نە گونجای و وێرانكار داینە.
• دڤی سەردەمیدا ژن وەكو جاران نەمایە ڤەدەر ژ هەڤكێشە و هەڤڕكی و بڕیارێن چارەنڤیساز، بەلكو ل پڕانیا جیهانێ و دگەلەك كەیس و پرسێن مەزن و نێڤدەولەتیدا ژن بڕیارێن ئێكلاكەر ددەت.
• ب ڤێ هەلكەفتێ و وەكو هەرساڵ دێ بێژین و دووبارە كەین، پێدڤییە ل سەر ئاستێ عیراقێ بگشتی ئاستەنگێن لهەمبەر ئازادیێن ژنێ بهێنە لادان، دەرگەهـ و دەلیڤێن ژیانەكا بەختەوەر دوور ژ پەراوێزخستنێ لهەمبەر ژنێ بهێنە ڤەكرن.
• ل گورەی جارنامێن نێڤدەولەتی ژن ژ توندوتیژیا خێزانی بهێتە پاراستن و هەموو جورێن ئارامیا كۆمەڵایەتی دوور ژ رەگەزپەرستیێ ژێرا بهێنە فەراهەمكرن.
• پێدڤییە سەرجەم دامودەزگەهێن حكومی ل عیراقێ و هەرێما كوردستانێ گرنگیەكا باشتر بدەنە مافێن ژنان و یاسایێن گرێدای ب ڤی بواری ڤە زێدەتر ئەكتیڤ بكەن.
• گرنگە ستراتیژیەتەك بهێتە دارشتن كو بەشداریا ژنان د دارشتنا بڕیاراندا ل عیراقێ و هەرێمێ بپارێزیت.
ل دووماهیێ ژی هەشتی مارس ل هەموو وان ژنان پیرۆز بیت یێن ل سەر ماف و هەبوونا خۆ بێ دنگ نەمینن .. ل وان ژنان پیرۆز بیت یێن هەتا نوكە لژێر یاسا و رێسایێن بابسالاریێ نەشێن بچووكترین دەربڕین ژ خواست و مافێن خۆ بكەن.
ئیمان عەبدولرەزاق ئامێدی
ئەنداما جڤاتا سەركردایەتیا (ی.ن.ك)
PUKMEDIA
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
زۆرترین خوێنراو
-
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19