زەماوەندی سلێمانی

ستران عەبدوڵڵا

ستران عەبدوڵا

زەماوەندێک (٣٢) ساڵە بەردەوامە، سەرچۆپی کێشەکانی کۆڵ نادەن

هەر وا بەگیانی راپەڕینەوە جۆش و خرۆشی حەوتی سێ دەگەشێننەوە.

شارێک قەدەری بە یەکێتییەوە گرێدراوە و یەکێتییەک پەیمانی تا سەرە لەگەڵ شارە حەیاتەکە.

بەڵێ وایە کە لادانی کاتی دوو سەرە هەبووە.
زیزبوونی ڕەواو  تەوەلابوونی ناڕەواش قەوماون.

بەڵێ وایە کە شەقامی شار دوو سایدە، ئینجا قەرەباڵەغ بووە و رێوبانەکانیش دژوارو پڕ تاسە بوون، بەڵام ئەوین یەک ئەوینە،  یان هەیە، یان هەر نەبێ باشترە.

زۆر عاشق هاتن و خۆیان نواند و  سۆزیان بە سلێمانی دا ، سۆزیان لە سلێمانی وەرگرت. بنمێچی هیوای بەرزیان کرد بە ئاسمانا و گلەییش هەر لە یەکێتیی کرا و ئێ دیارە گلەییش هەر لە دۆست ئەکرێ . لەو دۆستە دەکرێ کە راستگۆیە و هیوای لەسەر دەچنێ ، زۆریش هەن چاویان لە گەرەێکی تری فریودانە، فەقەت نە سلێمانی دەستبەردارەو نە یەکێتیش، وەک خەڵکی تر ،بێ بەڵێن و بێ بارە.

لە یادی زەماوەندە گەورەکەی شاردا ،
(ئێمە ئاشت دەبینەوە،  حەسوود ماڵی وێران بێت ).

PUKMEDIA