یەکێتی و ڕاپەڕین

سەروەر بەرزنجی

‎سەروەر بەرزنجی

‎یەکێتیی نیشتیمانیی کوردستان ئەو ھێزەیە مێژووەکەی پڕە لەداستانی بەرخودان بۆ ڕزگاری کۆمەڵانی خەڵکی کوردستان.

‎ڕاپەڕینی بەھاری ساڵی ١٩٩١ ڕووداوێکی گەورەو مێژوویی بوو بۆ کۆمەڵانی خەڵکی کوردستان و ناوچەکەو تەنانەت جیھانیش لەو کاتەدا.چونکە وەستاندنێکی گەورە بوو بۆ ڕاگرتنی نەھامەتیەکانی ڕژێمی سەدام حسێن بەرامبەر کۆمەڵانی خەڵکی کوردستان و ڕزگارکردنی ھاونیشتیمانیانی کوردستان بەگشتی.

‎یەکێتیی نیشتیمانیی کوردستان وەک ھێزێکی گەورەو شۆڕشگێر ڕۆڵی سەرەکی ھەبوو لە پلان داڕشتن و جۆشدانی کۆمەڵانی خەڵکی کوردستان بەگشتی.

‎بەسەرکردایەتی ڕابەری مەزن مام جەلال یەکێتیی نیشتیمانیی کوردستان توانی پلانی سەرکەوتن بەسەر  یەکێک لە گەورەترین دیکتاتۆرەکانی مێژوو لە تۆمار بکات.

‎یەکێتیی نیشتیمانیی کوردستان دوای پڕۆسەکانی ئەنفال چۆکی دانەداو درێژەی بەخەباتی مانەوەو بەرگری داو نەیھێشت کۆمەڵانی خەڵکی کوردستان بگەنە ڕۆخی بێھیوابوون.

‎ڕۆڵی یەکێتیی نیشتیمانیی کوردستان لەڕووی ڕاگەیاندنەوە

‎یەکێتیی نیشتیمانیی کوردستان جگە لەوەی لەڕووی سەربازی و سیاسی ڕۆڵی یەکلاکەرەوەی ھەبوو لە پلانی سەرکەوتنی ڕاپەڕینە مەزنەکەی بەھاری ساڵی ١٩٩١.
‎لەڕووی ڕاگەیاندنیشەوە یەکێتی ڕۆڵی زۆر گەورەی گێڕا لە جۆشدانی ھەموو ڕەنگە جیاوازەکانی کوردستان.

‎ئێزگەی دەنگی گەلی کوردستان مێژوویەکی گەورەو پڕ سەروەری تۆمار کردووە لەجۆشدان و ئامادەکردنی کۆمەڵانی خەڵکی کوردستان بەوپەڕی ورە بەرزیەوە بۆ ئامادەبوون تا پلان و بەرنامەکانی ڕاپەڕین جێبەجێ بکەن.

‎لەزمناکۆوە بۆ ئازاد ئەو درووشمەیە کەتائەم کاتەش لەگوێی کۆمەڵانی خەڵکی کوردستاندا دەزرینگێتەوە.

‎دوای ئەوەی یەکێتیی نیشتیمانیی کوردستان لەبەرواری
‎١٩⁄٣⁄١٩٨٨ پاشەکشەی کرد لەدۆڵی جافایەتی، مەکتەبی سیاسی بەیان نامەیەکی دەرکردو ھۆکارەکانی پاشەکشەکەی ڕوونکردەوە، بەڵام ئەم بەیاننامەیە لە ئیزگەی دەنگی گەلی کوردستانەوە خوێنراوەتەوەو ھیوای گەورەی بەخشیەوە بە کۆمەڵانی خەڵکی کوردستان و یەکێتیەکان.کەنابێت ھیوا بڕاوبن.

‎بۆیە یەکێتیی نیشتیمانیی کوردستان بەڵێنەکانی  بردەسەرو بوو بە پێشەنگی دروست بوونی ڕاپەڕینی  کۆمەڵانی خەڵکی کوردستان و ڕازی کردنی ھێزەسیاسیەکانی تری کوردستان لەوکاتە بۆ ئەوەی بەشداربن لەپلانی ڕزگارکردنی کوردستان لەدەست ڕژێمی فاشی سەدام.
‎ئەگەر یەکێتی نەبوایە ھێزەکانی تر ھەرگیز پلانێکی لەو جۆرەیان جێبەجێ نەدەکرد.

‎ڕۆڵی یەکێتی دوای ڕاپەڕین

‎دوای سەرکەوتنی پلانی ڕاپەڕینی کۆمەڵانی خەڵکی کوردستان بەسەرکردایەتی یەکێتیی نیشتیمانیی کوردستان
‎درووستبوونی کیانی ھەرێمی لێ بەرھەم ھات و کۆمەڵانی خەڵکی کوردستان یەکەم سەرکەوتنی مێژوویان بەدرێژایی مێژوو لەباشووری کوردستان تۆمارکردوو ڕزگاریان بوو لە دەست ڕژێمی فاشی بەعس و تامی ئازادییان چەشت.

‎یەکێتیی نیشتیمانیی کوردستان بناغەی دروستبوونی کیانی ھەرێمی کوردستان بوو.
‎ڕۆڵی گەورەی گێڕاوە لەمانەوەو بەردەوامبوونی کیانی ھەرێمی کوردستان تا ئەم کاتە.

‎لەم کاتەشدا یەکێتیی نیشتیمانیی کوردستان زامن و مانەوەی کیانی ھەرێمی کوردستانە بەبەھێزی بەبێ یەکێتی ئەم کیانە بەڕێوەناچێت و دەیان ھەزار ڕۆڵەی یەکێتی خوێنی پاکیان تێکەڵی بست بەبستی خاکی کوردستان بووە.

‎یەکێتی ئێستا بەڕابەرایەتی سەرۆک بافڵ تاڵەبانی تێدەکۆشێت بۆ شەڕکردن لەپێناو بەدەستھێنانی مافە ڕەواکانی کۆمەڵانی خەڵکی کوردستان بەگشتی و ڕزگاربوون لە ھەموو ئەو قەیرانە دروست کراوانەی بەرۆکی کۆمەڵانی خەڵکی کوردستانیان گرتووەو شەڕی ژیانێکی شایستە بۆ ھەموو کۆمەڵانی خەڵکی کوردستان دەکات و لەو پێناوەش
‎ڕۆڵی سەرۆک بافڵ و یەکێتی زۆر ڕوون و دیارە.

‎بۆیە یەکێتی نیشتیمانی کوردستان خولقێنەری ڕاپەڕینە مەزنەکەی بەھاری ساڵی ١٩٩١ کۆمەڵانی خەڵکی کوردستانەو
‎ھەرگیز شازشیش لەسەر مافەکانی خەڵکی کوردستان ناکات بەرامبەر نەیارانی کوردستان
‎ھەموو پلانەکانیش بۆ کەوتنی یەکێتی ھاوشێوەی پلانەکانی ڕژێمی فاشی سەدام دژی بەیەکێتی شکست دێنن..