«خاس کەردەن»
بیروڕا 01:19 PM - 2023-02-22
ستران عەبدوڵلا
دەستخۆشی بۆ هەموو ئەوانەی بڕیاریان دا کوردانی فەیلی لە خانەی بێگانەوە تۆماری خۆیان بگوازنەوە بۆ خانەی نیشتمانیی عێراقی . کاریان ڕاست بێت و دەستیانخۆش.
لە مەمالیکی پێشکەوتووی دونیا، ئەم مافە ئاساییترینیانە و زۆر نۆرماڵە ، بەڵام ئاساییترین لەوێ وایە، ئێ کە لە وڵاتی خۆمان هەموو مافێک زۆری دەوێ تا مۆری پشتگیری لێ دەدرێ و زۆرتریشی گەرەکە تیا زیت و زیندوو لە گۆڕەپانی ژیانا کاری پێ دەکرێ، لە وڵاتی وایا بەڕاستی ئاسایی و نۆرماڵیش خۆشی و موژدەی دەوێ .
زیاد لە سەد ساڵە دەوڵەتی نوێی عێراق هەناسە دەدا و حوکمی پادشایی چەند دەیەیی و حوکمی کۆماری لە (کۆماری نەمر)ی قاسمەوە تا کۆماری قەومی و خوێناوی بەعسەیش، هەروا زوڵم ئەکا و بۆی ئەچێتە سەر و ،.. زیاد لە سەد ساڵیشە کوردانی فەیلی لە کۆڕی ژیانی سیاسیی و ئابووری و گشتیدا تێکۆشان ئەکەن ، ئەم ئەنجامە کە پێی گەیشتوون ئەیهێنێ سڵاوی لێ بکرێ و سڵاوی بۆ بسەنڕێتەوە.
حزب نەما لە عێراق ، لە دینی و لە عەلمانی، لە قەومی و لە دیموکراتی، لە کوردستانیی و لە چینایەتی فەیلی تیا نەبێ و فەیلی تیا نەگیرێ و فەیلی تیا شەهید نەبێ و لەعانی دەسکەوت و دابەشی کێکی دەسەڵاتا پێیان نەگوترێ پەلەمەکە و هێشتا زۆری ماوە سڕەت بێت.
ئێستا وا ئیعتبارێک هاتۆتەوە و مافێکی زەوتکراو دراوەتەوە، هەقی خۆیەتی بە ئیمزاکارانی بێژین ؛ خاسکەردەن و خوا قەوەتان دا.
براگیانی فەیلی لێل تومە، وەڵەو سەد ساڵە ناسنامەتان بە خوێن و فرمێسک نووسریاگە و شەهادەی نيشتمانپەروەری لای ئێوەیە، بەڵام فرەخۆشیشە بەحیبر و کاغەز ، بەقەڵەم و موراجەعاتیش بنووسرێ (عراقي )
دەزانم ئەمرۆ لە زەمەنی بەرزی گێچی قەومی رووکەشانەدا ئەم مافە(هیچ نینە) ، بەڵام بەکردەوە ، بۆ مامەڵە و دەزگاو دوکانی دەوڵەتداریی، بۆ شتە بنەڕەتییەکانی هاووڵاتی بوون و دامەزراندن و حەق و حقوقی موڵکیەت و خاوەندارێتی و ژنوژنخوازی و بیمەی تەندروستی کاتی پیر و کەنەفتی، وەڵلا نموونەی نییە و عاللەلعالە. مەگەر ژیان هەر ئەو شتە ئاساییانە نییە؟ مەگەر قەوم وقیلەی گشتمان بۆ ئەمە خەبات ناکەن؟
سەد ساڵە لە دەوڵەتی جیاکاری عێراق، دەوڵەتی شۆڤێنی و تائیفی و مەرکەزییخوازدا گشت خەڵکی وڵات رەنج دەدەن، سەبری ئەیوبیان هەیە ، لەبەر کوردانی فەیلی کە رەنجدیدەی مەزهەبی و نەتەوەییشن، ئەهێنێ بە عێراقی فیدرالی بڵێین باشتان کرد و باشتری بکەن، چونکە هەر مافە باعیسی مانەوەی وڵات و مەمالیکەکان.
PUKMEDIAهەواڵی زیاتر
-
سەرۆک بافڵ بەشداری پرسەی هەڤاڵ عەلی شامار تێکۆشەری دێرین دەکات
07:37 PM - 2024-04-23 -
کوردێک دەبێتە بەڕێوەبەری بەڕێوەبەرایەتیی وەبەرهێنانی سەلاحەدین
04:11 PM - 2024-04-23 -
فەرماندەی هێزەکانی ئەڵمانیا لەسەر مەزاری مام کۆتایی بە ئەرکەکەی هێنا
12:02 PM - 2024-04-23 -
لێپرسراوی نوێی مەڵبەندی چەمچەماڵی یەکێتی دەستبەکار دەبێت
10:52 AM - 2024-04-23
زۆرترین خوێنراو
-
پرسەنامەی شاڵاو کۆسرەت رەسوڵ بۆ خانەوادەی مامۆستا جەمال هیدایەت
پرسەنامە 06:36 PM - 2024-04-23 -
خەڵاتی زێڕینی بلە بە 10 کەسایەتی نمونەیی بەخشرا
کوردستان 04:30 PM - 2024-04-23 -
کوردێک دەبێتە بەڕێوەبەری بەڕێوەبەرایەتیی وەبەرهێنانی سەلاحەدین
کوردستان 04:11 PM - 2024-04-23 -
PUKMEDIA بهشێك لهگفتوگۆكانی كۆبوونهوهی سودانی و بلینكن بڵاودهكاتهوه
کوردستان 03:28 PM - 2024-04-23 -
فەرماندەی هێزەکانی ئەڵمانیا لەسەر مەزاری مام کۆتایی بە ئەرکەکەی هێنا
کوردستان 12:02 PM - 2024-04-23 -
قوباد تاڵەبانی داوای لابردنی گەمارۆی سەر فڕۆکەخانەی سلێمانی دەکات
کوردستان 11:33 AM - 2024-04-23 -
لێپرسراوی نوێی مەڵبەندی چەمچەماڵی یەکێتی دەستبەکار دەبێت
ی ن ک 10:52 AM - 2024-04-23 -
ئەمڕۆ خەڵاتی زێرینی بلە دابەشدەکرێت
کوردستان 09:29 AM - 2024-04-23