riklam

دەنگی هێواش بەهێزترە لە هاواركردن

بیروڕا 09:09 PM - 2023-01-14

نوسینی - عوسمان سەنگەسەری

هەرجارەی بەجۆرێك لە جۆرەكان پارتی بازاڕێكی تۆڕی كۆمەڵایەتی گەرم دەكات بۆ بیربردنەوەی داواكاری راستەقینەی خەڵك كە پێی وایە بەو شێوەیە دەربازی دەبێت لە ڕقی پەنگ خواردووی خەڵكی زۆنی سەوز ، ئەوەی پارتی دەیووروژێنێ نەخزمەت بەخۆی دەکاو نە كاریگەریشی لەسەر یەكیتی و خەڵكی سنورەكە دەبێت.

یەكیتی بەدەنگێكی هێواش و هێمنانە بەرگری لەمافەکانی خەڵک دەکات و بەكرداریش ناڕازی بوونی تیمی حكومەتی پیشانداوەو جێگری سەرۆكی ئەنجومەنی وەزیران ھەڤاڵ  (قوباد تاڵەبانی ) بەشداری كۆبوونەوەكانی ئەنجومەنی وەزیران ناكات.

هەمیشە لە گوفتارو كردارەكانی سەركردایەتی یەكیتی بێڕێزی بەهیچ ناوچەیەكی كوردستان نەكردوەو نایکات ، هەموو كوردستان لەزاخۆ تا خانەقین  پیرۆزو گەوریە لەلای ، بەڵام ئەو بێباکیەی  پارتی بەسنوری سلێمانی و هەڵەبجەو ڕاپەڕین و گەرمیان دەیكەن لە هیچ شوێنێكی دونیا نیە كەلافی دەوڵەتداری لێبدەی و نیوەی وڵاتەكەت فەرامۆش بكەی و خۆشت پێ سەرۆكی حكومەت بێت و بێڕێزی بەكرێكاری پاككەرەو نەخۆش و خانەنشینی بەشێكی وڵاتەكەت بكەی .

ئەو ڕاشكاویەی یەكیتی لە سەرۆكەكەیەوە ھەڤاڵ  بافڵ جەلال تاڵەبانی كە لەگەڵ كەناڵەكەی نزیک لەپارتی زۆر بە سادەیی و ڕاشكاوی لەسەر هەموو تەوەرەكان قسەی كرد ، هەروەها لەتیمی حكومەت كە سەرۆكی تیمەكە ھەڤاڵ  قوباد تاڵەبانی  سایتی شەفافیەتی داناوەو هەموو كەسێك ڕۆژانە دەتوانێت داهاتی سنوری یەكیتی بزانێت، ئەم ڕاشكاوی و سادەییەی سەرۆكی یەكیتی و سەرۆكی تیمی یەکێتی لە حكومەت ئەوانی توشی شۆک کردوە.
ئەوەی بە یەكیتی دەكرێت بەئەوان ناكرێت پێیان قوت ناچێ ، ناچارن بەشتی لابەلا سەرنجی خەڵكی لەسەر ئەو جەرائەت و ڕاشكاوی و ڕاستگۆیی سەركردایەتی لابدەن .

تاكەي واز لەو كارە قیزەونانە ناهێنن ، داواكاری یەكیتی داواكاری خەڵکی كوردستانە ئەوانەی توانای داواكردنیان هەیە ،  ناترسن نەوەك ئەوانەی كە هەتا ناوێرن داوای مافە ڕەواكانی خۆشیان بكەن نەوەک  لە داگاكان بەبڕیاری ناڕەوا بیان خەنە كونجی زیندانەوە.

خەڵكی خزمەتگوزاری دەوێت، سەردەمی ئەو جۆرە یاریانە تێپەڕیووە ، مووچەی كرێكارانی پاككەرەوە بنێرن ، شایستە داراییەكانی كەرتی تەندروستی و پرۆژە خزمەتگوزاریەكان و موچەی خانەنشینان و بێ نەوایان بنێرن .

PUKMEDIA

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket