عەهد و پەیمان شكێنیی پارتی
بیروڕا 11:46 AM - 2022-11-17
واڵا كردنی هەموو ڕێگایەك لەبەردەم یەكێتی
كابینەی نۆی حكومەتی هەرێمی كوردستان، بە (پەیمان نامە) و رێككەوتنی نێوان پارتی و یەكێتی و گۆڕان دامەزراوە. لە رووی مۆراڵی سیاسییەوە، ئەم كابینەیە تا ئەو كاتە شەرعییەتی هەیە كە لایەنەكانی ڕێككەوتنەكە، پابەند بن بەعەهد و بڕگەكانی رێككەوتنەكە و ئەرك و بەرپرسیارێتییەكانیان بە دروستی راپەڕێنن.
لەبەرئەوەی حزبی زۆرینەی موزەیەف لە كابینەی نۆی حكومەتی هەرێم پابەند نەبوە بە بڕگەكانی رێككەوتنەكەی لەگەڵ بزوتنەوەی گۆڕان و یەكێتیی نیشتمانیی كوردستان، بە كردەوە ئەو پەیمان و رێككەوتنە هەڵوەشاوەتەوە.
ئێستا گەشتوینتە خاڵێك كە تاكڕەوی لە ناو حكومەت و لەلایەن زۆرینەی ناتەندروست بە شێوەیەك پراكتیزە دەكرێت كه نفوزی سەرۆكی حكومەت بە سەر كۆی جووڵه و جومگەكانی حكومەت و تاكلایەنه لە هەرێمی كوردستان رەنگی داوەتەوە.
دوای كەمكردنەوەی ڕۆڵی پەرلەمان و سەرۆكایەتی هەرێم ئێستا لە پێشهاتێكی بێ پێشینەدا، دەسەڵاتی دادوەری بۆ ململانێ بەكار دێت ، وا دەردەكەوێت كە سەرۆكی حكومەت هەوڵ دەدات دەسەڵاتی دادوەرییش بخاتەژێر هەژموونی خۆی.
ئێمەی نوێنەرانی خەڵكی كوردستان لە پەرلەمان، ئەركی ئەوەمان لەسەرشانە بەرگری بكەین لە مافی كۆمەڵانی خەڵك و ئاگاداریان بكەین لە راستییەكان و هەوڵی باشكردنی دۆخی ژیانیان بدەین. بەڵام راستگۆیانە بدوێین، پێناچێت هیچ كام لە ئامانجانە لە چوارچێوەی رێككەوتن و لە سێبەری كابینەی نۆی حكومەتی هەرێم دا بێنە بەرهەم.
لە سایەی ئەم ئیحتكار كردنە ناشرینەی سوڵتەشدا، سلێمانی و هەڵەبجە و گەرمیان و راپەڕین زۆرترین زیانیان بەركەوتووە و هەزاران گەنج بێكار، و سەدان پرۆژە و كارگە و دەرفەتی هەلی كار پەكخراون.
ئایا كاتی ئەوە نەهاتووە یەكێتیی نیشتمانیی كوردستان و بزوتنەوەی گۆڕان (پیكەوە) ستۆپ بە عەقڵیەتی تاكڕەوی و خۆسەپێنی و تۆتالیتاری بكەن بۆ بۆ رێگرتن لە كەوتنی دیموكراسیی هەرێمی كوردستان، قۆناغێكی نوێی خەبات، بە هاوكاریی نەوەی نوێ و هێزە ئیسلامییه كوردستانییەكان رابگەیەنن؟
بۆ كۆتایی هێنان بەم سزادانە مرۆیی و سیاسی و دارایی و ئابورییەی خەڵك و شاری سلێمانی و هەڵەبجە وگەرمیان و ڕاپەرین لە لایەن حكومەتە حیزبۆكراتیەكەی هەولێر , دەبێت یەكێتی هەموو ڕێگایەك بگرێتە بەر. ئەگەر كوردستانمان دەوێت، دەبێت ستۆپ به ئاراستە هەڵەكەی ناو پارتی و حكومەت بكرێت كه دەیەوێت له سەر عەرشی كەلاوەدا، خودانی هەمووان بێت !
نووسينی.. سەركۆ ئازاد گەڵاڵی
PUKMEDIA
هەواڵی زیاتر
-
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
02:20 PM - 2024-04-18
زۆرترین خوێنراو
-
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
کوردستان 08:31 PM - 2024-04-18 -
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
کوردستان 05:05 PM - 2024-04-18 -
كونسوڵی روسیا: یهكێتی هێزێكی كاریگهره
کوردستان 04:42 PM - 2024-04-18 -
سەرۆک بافڵ: یەکێتی ئامادەی هەڵبژاردنە
کوردستان 03:49 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
کوردستان 02:20 PM - 2024-04-18