مام ئەو ڕێبەرێ بۆ ژیانێ ژیای
بیروڕا 02:10 PM - 2022-10-03
نووسینی.. ئیمان ئامێدی
پێنج ساڵان ل پێشی نوکە، مام و ماموستا و ڕێبەرێ مە مام جەلال مالئاڤاهی ل مە کر، مالئاڤاهییا مام جەلال نە بتنێ ئاستەنگێن گران و بزەحمەت پەیداکرن، بەلکو وەغەرا وی پێشەوای بۆ کوردایەتی و عیراق و دەڤەرێ جهێ ئێش و ژان و خەمگرانیەکا سەرانسەری بوو.
زێدەباری کو مام جەلال ڕێبەرەکێ بێهنفرەهێ کوردایەتیێ یێ نووخواز بوو، دهەمان دەمدا لسەر ئاستێ عیراقێ ژی سەرۆک و سەرکردەکێ ئازا و دیمۆکراتیخواز بوو، سەرکردەک کو دمێژویا ۆیا زێڕین دا پێشڕەویا بزاڤا ڕزگاریخوازا کوردستانی دکر، دهەمان دەمدا شیا دسەردەمێ شۆرەشا چیا و چەکداریدا شەنگستێ هەڤپەیمانی و هەڤخەباتەکا دیروکی یا خورستی دگەل لایەنێن ئازادیخوازێن عیراقێ و سەرکردە و هێزێن ڕەسەنێن دژی زوڵم و دیکتاتۆریەتێ ئاڤا و بەرپا بکەت. دەرئەنجام ڕۆژەڤا ئەڤرۆ یا ئازادییا کوردستان و عیراقێ هاتە دی.
ژیانا مام جەلال، مینا ژیانا ڕێبەرەکێ بێ وێنە بۆ ماوێ زێدەتر ژ نیڤ چەرخێ مشتی دەستکەفت و سەروەری جهێ شانازیێ یە،
ل سەر ئاستێ کوردستانێ مام جەلال نە بتنێ ئێک ژسەرکردێن دیار و بەرنیاس و وێرەکێن شۆرشا ئیلۆنێ بوو، دیسان نە بتنێ دامەزرینەرێ ئێکەتی و شۆڕشا نوویا گەلێ کوردستانێ بوو، بەلکو ئەندازیارێ گۆهڕینێن مەزن و ڕیشەیی بوو، ئەو گۆهڕینکاریێن ب دووربینیەکا ژیواری پێشبینی بۆ دکرن و لژێر وان پێشبینی و بۆچوونان دەلیڤێن زێڕین بۆ گەلێ کوردستانێ رەخساندن و ئەزموونا ئەڤرۆیا هەرێما کوردستانێ کرە بەرهەمێ دید و دونیابینی و خەباتا خۆ.
دیسان بۆ ئێکەم جار دمێژوویا خۆیناوی و مشتی ناکوکیێن نەتەوی و ئەتەنیێن عیراقێدا، مام جەلال دەرفەت بو کوردا ڕەخساند پشتی ئەنفال و جینۆساید و کیمیا بارانا هەڵەبجە، ب هەلبژاردنەکا ئازاد و دیمۆکراتی، کوردەکێ شۆڕەشگێر و پێشمەرگە، سەرکردە و سیاسەتمەدارەکێ خاکی بگەهینیتە کۆچکا کۆماری و ببیتە سەرۆک کۆمارەکێ هەلبژارتی.
یاد و ناڤێ سەرۆک مام جەلال، هێما و سومبولەکا هەمیشەیە بۆ زێدەتر ژ نیڤ چەرخێ خەباتا بێ ڕاوەستان، ئاماژەیە بۆ تێکۆشانا سەردەمێن دژوار و تێکەل دگەل مێژوویا زێڕینا قوربانیدان و مسوگەرکرنا دەستکەفتێن مەزن و پیرۆز و بێ سنوور.
ناڤێ سەرۆک مام جەلال پێکهاتەکە ژ وێرەکی و پێداگیری و بێهنفرەهییا تێکەڵ دگەل حیکمەت وچارەسەریێن نایاب و پەسەند و سەنگین و جوان، ناڤەکە مێژوو دێ وەکو سومبولا بزاڤا کوردایەتی و نیشتمانپەروەریێ و برایەتی و پێکڤەژیانا ئاشتیانە د لاپەرێن خودا پەژرینیت و وەکو تومارەکا زێرین بۆ هەتا هەتا هەمبێز کەت.
نوکە و پشتی دەربازبوونا پێنج ساڵان بسەر مالئاڤاهییا سەرۆک و ڕێبەر و پێشەوا مام جەلال، هەر کەس و لایەنەک باش دزانیت کورد و عیراق و دەڤەرێ چ جورە پەروەردەکارەکێ بلیمەت و مەزن ژدەستدایە، ماموستا و ڕێبەرەک کو هەموو سخلەتێن جوانی و دلینی و بێهنفرەهیێ دوور ژ کەرب و کینا سیاسەتێ هەلگرتبوون، لەوڕا هەموو لایەک پڕی وژدانا خۆ بیریا مام جەلال دکەت.. بەلێ یا ڕاست و گرنگ ئەوە درێژی ب کاروان و ڕێبازا مام جەلال بهێتەدان، خەون و خوزیێن مام جەلال یێ ل سەر ئاستێن کوردستانێ و عیراقێ نەهاتینە دی بهێنە جێبەجێکرن.
هەواڵی زیاتر
-
وەفدێکی نەتەوەیەکگرتووەکان سەردانی نوسینگەی سلێمانی جێگری سەرۆک وەزیرانی کرد
05:41 PM - 2024-03-28 -
وادەی پێشکەشکردنی ناوی کاندیدان بۆ پەرلەمانی کوردستان درێژکرایەوە
11:57 AM - 2024-03-28 -
خاتوو شاناز بۆ خانمانی راگەیاندنکار: جیاوازیتان ناکەم و سەرکەوتنی هەمووتانم دەوێت
11:58 PM - 2024-03-27 -
مهڵبهندی دیراساتی یهكێتی تواناسازی حزبی بۆ خوێندنی باڵا دهستپێكرد
05:26 PM - 2024-03-27
زۆرترین خوێنراو
-
پرسەنامەی قوباد تاڵەبانی بۆ خانەوادەی ئەحمەد خدر
پرسەنامە 03:03 PM - 2024-03-28 -
وتهبێژی یهكێتی: خۆمان و لیست و ناوی كاندیدمان بۆ ههڵبژاردن ئامادهكردوه
کوردستان 12:56 PM - 2024-03-28 -
وادەی پێشکەشکردنی ناوی کاندیدان بۆ پەرلەمانی کوردستان درێژکرایەوە
کوردستان 11:57 AM - 2024-03-28 -
یەکێتی و رەوتی حیکمە دوا پێشهاتەکان تاوتوێ دەکەن
ی ن ک 10:21 AM - 2024-03-28 -
خاتوو شاناز بۆ خانمانی راگەیاندنکار: جیاوازیتان ناکەم و سەرکەوتنی هەمووتانم دەوێت
کوردستان 11:58 PM - 2024-03-27 -
یەکێتی و حزبی شیوعی چین تەئکید لەپتەوکردنی پەیوەندییەکانیان دەکەنەوە
کوردستان 10:17 PM - 2024-03-27 -
قوباد تاڵەبانی: هەوڵمان بۆ چارەسەری بودجە و مووچەی هەرێمە
کوردستان 07:01 PM - 2024-03-27 -
مهڵبهندی دیراساتی یهكێتی تواناسازی حزبی بۆ خوێندنی باڵا دهستپێكرد
کوردستان 05:26 PM - 2024-03-27