riklam

ئێره‌یش یه‌كێك له‌و وێستگانه‌یه‌ كه‌ شانازییان پێوه‌ ده‌كه‌م

کوردستان 02:26 PM - 2022-07-16

به‌شی عه‌ره‌بیی وێب سایتی گه‌لاوێژ، ته‌مه‌نێكی كه‌می هه‌یه‌ و هه‌مووی هه‌ر چه‌ند ڕۆژێك ده‌بێت، كه‌چی ئه‌وه‌نده‌ بووه‌ته‌ جێی سه‌رنجی به‌شێكی زۆر و شانازییه‌كی ستافه‌ (بچووكه‌كه‌ی) و خۆم، نه‌متوانی خۆم له‌و ڕاستییه‌ ببوێرم و ئه‌م چه‌ند دێڕه‌ نه‌نووسم.

هه‌ڵبه‌ت پرۆژه‌كه‌ی ئێمه‌ گه‌وره‌یه‌ و چاومان له‌وه‌یه‌ ببێته‌ گۆڕه‌پانێك بۆ ڕاگۆڕینه‌وه‌ی نه‌رمی هه‌موو نووسه‌ران و خوێنه‌ران، ئه‌وانه‌ی به‌ عه‌ره‌بی ده‌نووسن. ئه‌مه‌یش به‌ مه‌به‌ستی گه‌یاندنی په‌یامی ڕۆشنبیری و ئه‌ده‌ب و كه‌لتووری كورد و كورده‌واری به‌ نه‌ته‌وه‌ی عه‌ره‌بی نه‌ك هه‌ر عێراقی به‌ڵكو هه‌موو ناوچه‌كه‌ و جیهانیش. ئای چه‌ند دڵخۆش و سه‌رفرازم كه‌ خه‌ریكه‌ ورده‌ورده‌ خۆری ئه‌م مه‌به‌سته‌ له‌ ئاسۆوه‌ ده‌رده‌كه‌وێت و چاوه‌كانمان به‌ پرشنگه‌ زێڕینه‌كه‌ی ڕووناكتر ده‌بنه‌وه‌!.

ڕۆشنبیرانێكی زۆر هاتوون به‌ده‌نگ ستافه‌ خه‌مخۆره‌كه‌ی ئه‌م به‌شه‌وه‌ كه‌ به‌ڕاستی جێگه‌ی سوپاس و ستایشن، ئومێده‌وارم زیاتر هاوكار بن و نه‌ك هه‌ر هاوكار به‌ڵكو ئێره‌ به‌ ده‌نگی خۆیان و سه‌كۆی بابه‌ته‌كانیان و په‌نجه‌ره‌یه‌ك بزانن بۆئه‌وه‌ی لێیه‌وه‌ ته‌ماشای (ئه‌مدیو و ئه‌ودیو)یش بكه‌ن.

ئه‌م ستافه‌ به‌ ژماره‌ كه‌م و به‌دڵسۆزیی زۆره‌ی كه‌ به‌شه‌كه‌یش به‌ڕێوه‌ده‌به‌ن، هه‌ر شایانی ئه‌وه‌ن كه‌ ستایش و ده‌ستخۆشیی بكرێن، چونكه‌ به‌ڕاستی خه‌مخۆرانه‌ شانیان داوه‌ته‌ به‌ر ئه‌ركێكی قورس، له‌گه‌ڵ ئه‌وه‌یشدا من چاوه‌ڕێی زیاتریان لێده‌كه‌م و خۆیشیان ئه‌و ڕاستییه‌ باش ده‌زانن كه‌ له‌ناو ئه‌م گێژاوی بێنه‌وبه‌ره‌ی میدیایه‌دا چۆن لێبڕاوانه‌ و به‌ زمانی گوڵ ده‌دوێن و ده‌نووسن.

به‌شبه‌خاڵی خۆم ئه‌م به‌شه‌ به‌یه‌كێك له‌و وێستگانه‌ی ژیانم ده‌زانم كه‌ شانازییان پێوه‌ده‌كه‌م و ده‌ستی هه‌موولایه‌ك خۆشبێت و هه‌مووتان سه‌ركه‌وتووبن.. چاوتان ماچ ده‌كه‌م.


PUKmedia سایتی گه‌لاوێژ



زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket