دادگای جیهانی تاوان ، چی پێشکەشکرد؟
بیروڕا 07:02 PM - 2022-07-14
دوای کۆتاییهاتنی جەنگی دووەمی جیهانی و ڕەوینەوەی تەمومژی ترسناکی ئەو جەنگە ، کۆمەڵگای مرۆڤایەتی ئاسۆیەکی ڕوونی لێدەرکەوت و ڕوانیە سەردەمێکی نوێ. هەوڵی بێپایانی مرۆڤ بۆ ڕزگارکردنی مرۆڤی برای لە تەنگانەو ناخۆشی و قوتارکردنی لەدەست خوێن ڕشتن وتاوانباران بە شیوەیەکی بەرچاوکەوتە ڕوو. ئەم پەڕ و پۆشیەی کۆمەڵگای مرۆڤایەتی ووڵاتانی دونیای لە چوارچێوەی دادوەرییەکی جیهانیدا کۆکردەوە بۆ پێکهێنانی دادگایەکی نێودەوڵەتی .
کۆششی مافپەروەرانەی کۆمەڵگای مرۆڤایەتی ، دادگای ( تۆکیۆ و نۆرمبێرگ ) ی دامەزراند بۆ دادگاییکردنی تاوانبارانی جەنگ .
هەوڵی کۆمەڵگای جیهانی بۆ چەسپاندنی دادگای تۆکیۆ و نۆرمبێرگ سڕبوونێکی مێژوویی بەخۆیەوە بینی کە هەر لە ساڵی ١٩٥٠ تا ١٩٩٠ ی خایاند . بیانووی ئەو جەنگەش بە سەرکەوتنی بلۆکی سەرمایەداری و شکستی بلۆکی سۆشیالیستی و سڕبوونی هەتا هەتایی خەباتی کرێکاری و سەروەریکردنی جیهان لە لایەن سیستمی نوێی جیهانیەوە کۆتایی هات .
دادگای تۆکیۆ و نۆرمبێرگ لە چوارچێوەی قاڵبێکی نوێدا یاساکانی داڕشتەوە بە جۆرێک نەک هەرتاوانبار دەستنیشانبکرێ بەڵکو سزای توندی بەسەردا بسەپێنرێ و جارێکیتر دوژمنی سەرسەختی مرۆڤایەتی لە دەستی یاسا یاساغ نەبێت ولێرە و لەوێ خۆی حەشار نەدات .
هەر بۆ ئەم مەبەستە کۆمەڵەی نەتەوە یەکگرتووەکان لە مانگی مارتی ساڵی ١٩٩٣ دا کۆنگرەیەکی بەرفراوانی بەست و تیایدا بڕیاریدا کە لە داهاتوویەکی نزیکدا چاودێرێک بۆ تاوان و چاودێرێک بۆ پاراستنی مافەکانی تاوانلێکراو دابنێت کە لە توانایدا بێ سنوور بۆ هەموو دەستدرێژییەک دابنێ و سزای توندی ئەوانەش بدات کە دژی مرۆڤایەتی تاوان ئەنجام دەدەن ، لەلایەن ووڵاتە خاوەن بنکە ئابووری و سەربازییە پتەوەکانی ئەندامی کۆمەڵەی نەتەوە یەکگرتووەکانیشەوە پشتیوانی دارایی و سەربازی لێبکرێت .
یەکەم چاودێری تاوان ڕۆژی ٥/٤/١٩٩٤ هەڵنژێردرا کە ( خۆزێ ئیالا لاسۆ ) ی ئۆکوادۆری بوو . پەرۆشی دونیا بۆ پاراستنی مافەکانی مرۆڤ هەنگاوی گورج و قۆناغی دووری بڕی ، بۆ نموونە تەنیا ڕێکخراوی لێبوردنی جیهانی لیستێکی بە ناوی ملیۆنێک و دووسەد هەزار ئەندام ئامادەکرد لە چل وولاتی جۆرا و جۆری جیهاندا کە لێرە و لەوێ پەردەیان لەسەر تاوان هەڵدەماڵی و بە بەڵگەوە تاوانبارانیان دەستیشاندەکرد ، زیاتر لە پەنجا تاوانباریان دەسنیشانکرد کە تاوانیان دژی میللەتەکەی خۆیان و کۆمەڵگای مرۆڤایەتی ئەنجام دابوو ، ئیتریابەناوی بازرگانی یاخود دوور نیە ئەو تاوانبارانە خۆیان لە تای نیشتمانپەروەرێکی بە کەڵک لە ترازووی ویژدان و مێژوو دانابێت .
لێرەدا چەند پرسیارێک دێتە ئاراوە : -
ئایا ئەنجامی ئەو گۆڕانە خێرایانەی کە لە دوای ساڵی ١٩٩٠ ەوە و بەتایبەتی دوای نەمانی جەنگی سارد ڕوویدا ، چیبوون ؟ بەچ شیوەیەک کاری لە نەخشەی پەیوەندییەکانکرد ؟ چ سنوورێک بۆ تاوانباران دانرا ؟ چ تاوانبارێک سزا درا و چ مافێکیش گەڕایەوە بۆ تاوانلێکراو؟ ئایا ئەو تاوانبارانەی کە ڕێکخراوی لێبوردنی جیهانی پەردەی لەسەر تاوانەکانیان هەڵماڵی ، لە کوێ و کەی سزای خۆیان وەرگرت ؟؟ ئەگەر نا ئایا ئەو گرفتانە چین بوونەتە بەربەستی سەرنەکەوتنی ئەو هەوڵانە؟ !
لەم سەردەمە نوێیەدا کە دیموکراسی وەک باوترین کاڵای سیاسی مامەڵەی پێدەکرێ و شۆڕشی ئەلکترۆنی و عەولەمە وئینتەرنێت بە جۆرێکی وا تان و پۆی جیهانی گڵۆبالیزمی تەنیووە کە کردوویەتیە گوندێکی بچووک و هەر تاوانێک بەهەر بیانوویەک لەهەر شوێنێک ڕووبدات بە خێرایی بە هەموولایەکدا بڵاو دەبێتەوە . بەڵام مایەی سەرسوڕمانە کە هەر دوو ڕۆژ دوای دانانی چاودێری تاوان ڕۆژی ٧/٤/١٩٩٤ یەکێک لە ترسناکترین کارەساتی شەڕی ناوخۆ لە ڕاوەندا ڕوویدا بە جۆرێک سۆزی دونیای هەژاند و هەموو بنەما ڕەوشتیەکانی لەبەر یەک هەڵوەشاندەوە و هێنایە سەر لێواری ڕووخان بەوەی نزیکەی یەک ملیۆن ئادەمیزاد لەو ڕاوەندا بچووکەدا بوونە قوربانی سیاسەتی چەوتی هەڵگیرسێنەرانی شەڕی ناوخۆ .. ڕۆژی ١١/٦/١٩٩٦ لە کابۆلی پایتەختی ئەفغانستان هەزار و سەد هاوڵاتی کوژران ، ڕۆژانەش چەندین گەنج و خێزان ملی ڕێگای هات و نەهات دەگرنە بەر بە شیوازی جیاواز بۆ ڕزگاربوون و گەیشتن بە شوینێکی ئامان و خۆیان دەدەنە دەستی قەدەری قاچاغچی و باندەکانی سنووری ووڵاتەکانیان بەو هیوایەی ئەو خەونانەی لە زێدی لە دایکبوونیان نەهاتەدی لە شوینێکی تردا و لە غەریبی و دوورە هاوار لەدایک بێت .. لێرەدا دەستەواژەکان ئاوەژووبوونەوە و ئەو ژەهرەی بۆ تاوانباران ئامادەکرابوو دەرخواردی بی دیفاع و تاوالێکراوان و نەوەکانیان دران !!
تۆ بڵێی هەزارەی سێ یەم لە ژێر پەردەی چ دروشم و دیسپلینی چ یاسا یەکدا و بە بەرژەوەندی کێ هەڵسوڕێ ؟ تۆبڵێی ئەم هەزارەیە ش هەروەک هەزارەکانی تر نەبێت وتەنها لە ژمارە جیاوزییان هەبێت ؟؟؟
سیروان بەرزنجی/ ئوسترالیا
هەواڵی زیاتر
-
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
02:20 PM - 2024-04-18 -
جهزای سهید مهجید وهك لێپرسراوی بەشی كارگێڕیی رێكخستن دهسبهكاربوو
01:21 PM - 2024-04-18
زۆرترین خوێنراو
-
د. بڕیار رەشید: تەوتینی مووچە لەهەرێم بە ئاسانی دەکرێت
کوردستان 08:31 PM - 2024-04-18 -
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
کوردستان 05:05 PM - 2024-04-18 -
كونسوڵی روسیا: یهكێتی هێزێكی كاریگهره
کوردستان 04:42 PM - 2024-04-18 -
سەرۆک بافڵ: یەکێتی ئامادەی هەڵبژاردنە
کوردستان 03:49 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
کوردستان 02:20 PM - 2024-04-18 -
جهزای سهید مهجید وهك لێپرسراوی بەشی كارگێڕیی رێكخستن دهسبهكاربوو
کوردستان 01:21 PM - 2024-04-18 -
کۆمسیۆن وادەی بانگەشەی هەڵبژاردن دیاریدەکات
کوردستان 10:29 AM - 2024-04-18 -
ئێزدییەكان ، دیرۆك و دابونەریتیان
کوردستان 10:05 AM - 2024-04-18